Rig-Veda-Mandala-6

(442)
tvaM hy agne pratha`mo ma`notaa`syaa dhi`yo abha'vo dasma` hotaa' |
tvaM siiM' vR^iShann akR^iNor du`ShTarii'tu` saho` vishva'smai` saha'se` saha'dhyai || {6}{001}{01}
adhaa` hotaa` ny asiido` yajii'yaan i`Las pa`da i`Shaya`nn iiDyaH` san |
taM tvaa` naraH' pratha`maM de'va`yanto' ma`ho raa`ye ci`taya'nto` anu' gman || {6}{001}{02}
vR^i`teva` yanta'm ba`hubhi'r vasavyaai`s tve ra`yiM jaa'gR^i`vaaMso` anu' gman |
rusha'ntam a`gniM da'rsha`tam bR^i`hantaM' va`paava'ntaM vi`shvahaa' diidi`vaaMsa'm || {6}{001}{03}
pa`daM de`vasya` nama'saa` vyantaH' shrava`syavaH` shrava' aapa`nn amR^i'ktam |
naamaa'ni cid dadhire ya`j~niyaa'ni bha`draayaaM' te raNayanta` saMdR^i'ShTau || {6}{001}{04}
tvaaM va'rdhanti kShi`tayaH' pR^ithi`vyaaM tvaaM raaya' u`bhayaa'so` janaa'naam |
tvaM traa`taa ta'raNe` cetyo' bhuuH pi`taa maa`taa sada`m in maanu'ShaaNaam || {6}{001}{05}
sa`pa`ryyaH` sa pri`yo vi`kShv akp gnir hotaa' ma`ndro ni Sha'saadaa` yajii'yaan |
taM tvaa' va`yaM dama` aa dii'di`vaaMsa`m upa' j~nu`baadho` nama'saa sadema || {6}{001}{06}
taM tvaa' va`yaM su`dhyoKp navya'm agne sumnaa`yava' iimahe deva`yantaH' |
tvaM visho' anayo` diidyaa'no di`vo a'gne bR^iha`taa ro'ca`na' || {6}{001}{07}
vi`shaaM ka`viM vi`shpatiM` shashva'tiinaaM ni`tosha'naM vR^iSha`bhaM ca'rShaNii`naam |
pretii'ShaNim i`Shaya'ntam paava`kaM raaja'ntam a`gniM ya'ja`taM ra'yii`Naam || {6}{001}{08}
so a'gna iije shasha`me ca` marto` yas ta` aana'T sa`midhaa' ha`vyadaa'tim |
ya aahu'ti`m pari` vedaa` namo'bhi`r vishvet sa vaa`maa da'dhate` tvotaH' || {6}{001}{09}
a`smaa u' te` mahi' ma`he vi'dhema` namo'bhir agne sa`midho`ta ha`vyaiH |
vedii' suuno sahaso gii`rbhir u`kthair aa te' bha`draayaaM' suma`tau ya'tema || {6}{001}{10}
aa yas ta`tantha` roda'sii` vi bhaa`saa shravo'bhish ca shrava`syakp s taru'traH |
bR^i`hadbhi`r vaajai` sthavi'rebhir a`sme re`vadbhi'r agne vita`raM vi bhaa'hi || {6}{001}{11}
nR^i`vad va'so` sada`m id dhe'hy a`sme bhuuri' to`kaaya` tana'yaaya pa`shvaH |
puu`rviir iSho' bR^iha`tiir aa`re-a'ghaa a`sme bha`draa sau'shrava`saani' santu || {6}{001}{12}
pu`ruuNy a'gne puru`dhaa tvaa`yaa vasuu'ni raajan va`sutaa' te ashyaam |
pu`ruuNi` hi tve pu'ruvaara` santy agne` vasu' vidha`te raaja'ni` tve || {6}{001}{13}


(443)
tvaM hi kShaita'va`d yasho .a'gne mi`tro na patya'se |
tvaM vi'carShaNe` shravo` vaso' pu`ShTiM na pu'Shyasi || {6}{002}{01}
tvaaM hi Shmaa' carSha`Nayo' ya`j~nebhi'r gii`rbhir iiLa'te |
tvaaM vaa`jii yaa'ty avR^i`ko ra'ja`stuur vi`shvaca'rShaNiH || {6}{002}{02}
sa`joSha's tvaa di`vo naro' ya`j~nasya' ke`tum i'ndhate |
yad dha` sya maanu'Sho` janaH' sumnaa`yur ju`hve a'dhva`re || {6}{002}{03}
R^idha`d yas te' su`daana've dhi`yaa martaH' sha`shama'te |
uu`tii Sha bR^i'ha`to di`vo dvi`Sho aMho` na ta'rati || {6}{002}{04}
sa`midhaa` yas ta` aahu'tiM` nishi'ti`m martyo` nasha't |
va`yaava'ntaM` sa pu'Shyati` kShaya'm agne sha`taayu'Sham || {6}{002}{05}
tve`Shas te' dhuu`ma R^i'Nvati di`vi Sha~n Chu`kra aata'taH |
suuro` na hi dyu`taa tvaM kR^i`paa paa'vaka` roca'se || {6}{002}{06}
adhaa` hi vi`kShv iiDyo .a'si pri`yo no` ati'thiH |
ra`NvaH pu`riiva` juuryaH' suu`nur na tra'ya`yaayyaH' || {6}{002}{07}
kratvaa` hi droNe' a`jyase .a'gne vaa`jii na kR^itvyaH' |
pari'jmeva sva`dhaa gayo .a'tyo` na hvaa`ryaH shishuH' || {6}{002}{08}
tvaM tyaa ci`d acyu`taagne' pa`shur na yava'se |
dhaamaa' ha` yat te' ajara` vanaa' vR^i`shcanti` shikva'saH || {6}{002}{09}
veShi` hy adhvariiya`taam agne` hotaa` dame' vi`shaam |
sa`mR^idho' vishpate kR^iNu ju`Shasva' ha`vyam a'~NgiraH || {6}{002}{10}
acChaa' no mitramaho deva de`vaan agne` vocaH' suma`tiM roda'syoH |
vii`hi sva`stiM su'kShi`tiM di`vo nR^In dvi`Sho aMhaaM'si duri`taa ta'rema` taa ta'rema` tavaava'saa tarema || {6}{002}{11}

(444)
agne` sa kShe'Shad R^ita`paa R^i'te`jaa u`ru jyoti'r nashate deva`yuSh Te' |
yaM tvam mi`tra` varu'NaH sa`joShaa` deva` paasi` tyaja'saa` marta`m aMhaH' || {6}{003}{01}
ii`je ya`j~nebhiH' shasha`me shamii'bhir R^i`dhadvaa'raayaa`gnaye' dadaasha |
e`vaa ca`na taM ya`shasaa`m aju'ShTi`r naaMho` martaM' nashate` na pradR^i'ptiH || {6}{003}{02}
suuro` na yasya' dR^isha`tir a're`paa bhii`maa yad eti' shuca`tas ta` aa dhiiH |
heSha'svataH shu`rudho` naayam a`ktoH kutraa' cid ra`Nvo va'sa`tir va'ne`jaaH || {6}{003}{03}
ti`gmaM ci`d ema` mahi` varpo' asya` bhasa`d ashvo` na ya'masaa`na aa`saa |
vi`jeha'maanaH para`shur na ji`hvaaM dra`vir na draa'vayati` daaru` dhakSha't || {6}{003}{04}
sa id aste'va` prati' dhaad asi`Shya~n Chishii'ta` tejo .a'yaso` na dhaaraa'm |
ci`tradhra'jatir ara`tir yo a`ktor ver na dru`Shadvaa' raghu`patma'jaMhaaH || {6}{003}{05}
sa iiM' re`bho na prati' vasta u`sraaH sho`ciShaa' raarapiiti mi`trama'haaH |
naktaM` ya ii'm aru`Sho yo divaa` nR^In ama'rtyo aru`Sho yo divaa` nR^In || {6}{003}{06}
di`vo na yasya' vidha`to navii'no`d vR^iShaa' ru`kSha oSha'dhiiShu nuunot |
ghR^iNaa` na yo dhraja'saa` patma'naa` yann aa roda'sii` vasu'naa` daM su`patnii' || {6}{003}{07}
dhaayo'bhir vaa` yo yujye'bhir a`rkair vi`dyun na da'vidyo`t svebhiH` shuShmaiH' |
shardho' vaa` yo ma`rutaaM' ta`takSha' R^i`bhur na tve`Sho ra'bhasaa`no a'dyaut || {6}{003}{08}


(445)
yathaa' hota`r manu'Sho de`vataa'taa ya`j~nebhiH' suuno sahaso` yajaa'si |
e`vaa no' a`dya sa'ma`naa sa'maa`naan u`shann a'gna usha`to ya'kShi de`vaan || {6}{004}{01}
sa no' vi`bhaavaa' ca`kShaNi`r na vasto'r a`gnir va`ndaaru` vedya`sh cano' dhaat |
vi`shvaayu`r yo a`mR^ito` martye'ShuuSha`rbhud bhuud ati'thir jaa`tave'daaH || {6}{004}{02}
dyaavo` na yasya' pa`naya`nty abhva`m bhaasaaM'si vaste` suuryo` na shu`kraH |
vi ya i`noty a`jaraH' paava`ko .a'shnasya cic Chishnathat puu`rvyaaNi' || {6}{004}{03}
va`dmaa hi suu'no` asy a'dma`sadvaa' ca`kre a`gnir ja`nuShaajmaanna'm |
sa tvaM na' uurjasana` uurjaM' dhaa` raaje'va jer avR^i`ke kShe'Shy a`ntaH || {6}{004}{04}
niti'kti` yo vaa'ra`Nam anna`m atti' vaa`yur na raaShTry aty e'ty a`ktuun |
tu`ryaama` yas ta' aa`dishaa`m araa'tii`r atyo` na hrutaH` pata'taH pari`hrut || {6}{004}{05}
aa suuryo` na bhaa'nu`madbhi'r a`rkair agne' ta`tantha` roda'sii` vi bhaa`saa |
ci`tro na'ya`t pari` tamaaM'sy a`ktaH sho`ciShaa` patma'nn aushi`jo na diiya'n || {6}{004}{06}
tvaaM hi ma`ndrata'mam arkasho`kair va'vR^i`mahe` mahi' naH` shroShy a'gne |
indraM` na tvaa` shava'saa de`vataa' vaa`yum pR^i'Nanti` raadha'saa` nR^ita'maaH || {6}{004}{07}
nuu no' agne .avR^i`kebhiH' sva`sti veShi' raa`yaH pa`thibhiH` parShy aMhaH' |
taa suu`ribhyo' gR^iNa`te raa'si su`mnam made'ma sha`tahi'maaH su`viiraaH' || {6}{004}{08}


(446)
hu`ve vaH' suu`nuM saha'so` yuvaa'na`m adro'ghavaacam ma`tibhi`r yavi'ShTham |
ya inva'ti` dravi'Naani` prace'taa vi`shvavaa'raaNi puru`vaaro' a`dhruk || {6}{005}{01}
tve vasuu'ni purvaNiika hotar do`Shaa vasto`r eri're ya`j~niyaa'saH |
kShaame'va` vishvaa` bhuva'naani` yasmi`n saM saubha'gaani dadhi`re paa'va`ke || {6}{005}{02}
tvaM vi`kShu pra`divaH' siida aa`su kratvaa' ra`thiir a'bhavo` vaaryaa'Naam |
ata' inoShi vidha`te ci'kitvo` vy aanu`Shag jaa'tavedo` vasuu'ni || {6}{005}{03}
yo naH` sanu'tyo abhi`daasa'd agne` yo anta'ro mitramaho vanu`Shyaat |
tam a`jare'bhi`r vR^iSha'bhi`s tava` svais tapaa' tapiShTha` tapa'saa` tapa'svaan || {6}{005}{04}
yas te' ya`j~na' sa`midhaa` ya u`kthair a`rkebhiH' suuno sahaso` dadaa'shat |
sa martye'Shv amR^ita` prace'taa raa`yaa dyu`mna` shrava'saa` vi bhaa'ti || {6}{005}{05}
sa tat kR^i'dhiiShi`tas tuuya'm agne` spR^idho' baadhasva` saha'saa` saha'svaan |
yac Cha`syase` dyubhi'r a`kto vaco'bhi`s taj ju'Shasva jari`tur ghoShi` manma' || {6}{005}{06}
a`shyaama` taM kaama'm agne` tavo`tii a`shyaama' ra`yiM ra'yivaH su`viira'm |
a`shyaama` vaaja'm a`bhi vaa`jaya'nto .a`shyaama' dyu`mnam a'jaraa`jaraM' te || {6}{005}{07}


(447)
pra navya'saa` saha'saH suu`num acChaa' ya`j~na' gaa`tum ava' i`cChamaa'naH |
vR^i`shcadva'naM kR^i`ShNayaa'maM` rusha'ntaM vii`tii hotaa'raM di`vyaM ji'gaati || {6}{006}{01}
sa shvi'taa`nas ta'nya`tuu ro'cana`sthaa a`jare'bhi`r naana'dadbhi`r yavi'ShThaH |
yaH paa'va`kaH pu'ru`tamaH' pu`ruuNi' pR^i`thuuny a`gnir a'nu`yaati` bharva'n || {6}{006}{02}
vi te` viShva`g vaata'juutaaso agne` bhaamaa'saH shuce` shuca'yash caranti |
tu`vi`mra`kShaaso' di`vyaa nava'gvaa` vanaa' vananti dhR^iSha`taa ru`jantaH' || {6}{006}{03}
ye te' shu`kraasaH` shuca'yaH shuciShmaH` kShaaM vapa'nti` viShi'taaso` ashvaaH' |
adha' bhra`mas ta' urvi`yaa vi bhaa'ti yaa`taya'maano` adhi` saanu` pR^ishneH' || {6}{006}{04}
adha' ji`hvaa paa'patiiti` pra vR^iShNo' goShu`yudho` naashaniH' sR^ijaa`naa |
shuura'syeva` prasi'tiH kShaa`tir a`gner du`rvartu'r bhii`mo da'yate` vanaa'ni || {6}{006}{05}
aa bhaa`nunaa` paarthi'vaani` jrayaaM'si ma`has to`dasya' dhR^iSha`taa ta'tantha |
sa baa'dha`svaapa' bha`yaa saho'bhi` spR^idho' vanu`Shyan va`nuSho` ni juu'rva || {6}{006}{06}
sa ci'tra ci`traM ci`taya'ntam a`sme citra'kShatra ci`trata'maM vayo`dhaam |
ca`ndraM ra`yim pu'ru`viira'm bR^i`hantaM` candra' ca`ndraabhi'r gR^iNa`te yu'vasva || {6}{006}{07}


(448)
muu`rdhaanaM' di`vo a'ra`tim pR^i'thi`vyaa vai'shvaana`ram R^i`ta aa jaa`tam a`gnim |
ka`viM sa`mraaja`m ati'thiM` janaa'naam aa`sann aa paatraM' janayanta de`vaaH || {6}{007}{01}
naabhiM' ya`j~naanaaM` sada'naM rayii`Naam ma`haam aa'haa`vam a`bhi saM na'vanta |
vai`shvaa`na`raM ra`thyam adhva`raaNaaM' ya`j~nasya' ke`tuM ja'nayanta de`vaaH || {6}{007}{02}
tvad vipro' jaayate vaa`jy agne` tvad vii`raaso' abhimaati`ShaahaH' |
vaishvaa'nara` tvam a`smaasu' dhehi` vasuu'ni raajan spR^iha`yaayyaa'Ni || {6}{007}{03}
tvaaM vishve' amR^ita` jaaya'maanaM` shishuM` na de`vaa a`bhi saM na'vante |
tava` kratu'bhir amR^ita`tvam aa'ya`n vaishvaa'nara` yat pi`tror adii'deH || {6}{007}{04}
vaishvaa'nara` tava` taani' vra`taani' ma`haany a'gne` naki`r aa da'dharSha |
yaj jaaya'maanaH pi`tror u`pasthe .a'vindaH ke`tuM va`yune`Shv ahnaa'm || {6}{007}{05}
vai`shvaa`na`rasya` vimi'taani` cakSha'saa` saanuu'ni di`vo a`mR^ita'sya ke`tunaa' |
tasyed u` vishvaa` bhuva`naadhi' muu`rdhani' va`yaa i'va ruruhuH sa`pta vi`sruhaH' || {6}{007}{06}
vi yo rajaaM`sy ami'miita su`kratu'r vaishvaana`ro vi di`vo ro'ca`naa ka`viH |
pari` yo vishvaa` bhuva'naani papra`the .a'dabdho go`paa a`mR^ita'sya rakShi`taa || {6}{007}{07}


(449)
pR^i`kShasya` vR^iShNo' aru`Shasya` nuu sahaH` pra nu vo'caM vi`dathaa' jaa`tave'dasaH |
vai`shvaa`na`raaya' ma`tir navya'sii` shuciH` soma' iva pavate` caaru'r a`gnaye' || {6}{008}{01}
sa jaaya'maanaH para`me vyomani vra`taany a`gnir vra'ta`paa a'rakShata |
vy akp ntari'kSham amimiita su`kratu'r vaishvaana`ro ma'hi`naa naaka'm aspR^ishat || {6}{008}{02}
vy astabhnaa`d roda'sii mi`tro adbhu'to .anta`rvaava'd akR^iNo`j jyoti'Shaa` tamaH' |
vi carma'Niiva dhi`ShaNe' avartayad vaishvaana`ro vishva'm adhatta` vR^iShNya'm || {6}{008}{03}
a`paam u`pasthe' mahi`Shaa a'gR^ibhNata` visho` raajaa'na`m upa' tasthur R^i`gmiya'm |
aa duu`to a`gnim a'bharad vi`vasva'to vaishvaana`ram maa'ta`rishvaa' paraa`vataH' || {6}{008}{04}
yu`ge-yu'ge vida`thyaM gR^i`Nadbhyo .a'gne ra`yiM ya`shasaM' dhehi` navya'siim |
pa`vyeva' raajann a`ghashaM'sam ajara nii`caa ni vR^i'shca va`ninaM` na teja'saa || {6}{008}{05}
a`smaaka'm agne ma`ghava'tsu dhaara`yaanaa'mi kSha`tram a`jaraM' su`viirya'm |
va`yaM ja'yema sha`tinaM' saha`sriNaM` vaishvaa'nara` vaaja'm agne` tavo`tibhiH' || {6}{008}{06}
ada'bdhebhi`s tava' go`paabhi'r iShTe .a`smaaka'm paahi triShadhastha suu`riin |
rakShaa' ca no da`duShaaM` shardho' agne` vaishvaa'nara` pra ca' taarii` stavaa'naH || {6}{008}{07}


(450)
aha'sh ca kR^i`ShNam aha`r arju'naM ca` vi va'rtete` raja'sii ve`dyaabhiH' |
vai`shvaa`na`ro jaaya'maano` na raajaavaa'tira`j jyoti'Shaa`gnis tamaaM'si || {6}{009}{01}
naahaM tantuM` na vi jaa'naa`my otuM` na yaM vaya'nti sama`re .a'tamaanaaH |
kasya' svit pu`tra i`ha vaktvaa'ni pa`ro va'daa`ty ava'ra pi`traa || {6}{009}{02}
sa it tantuM` sa vi jaa'naa`ty otuM` sa vaktvaa'ny R^itu`thaa va'daati |
ya iiM` cike'tad a`mR^ita'sya go`paa a`vash cara'n pa`ro a`nya` pashya'n || {6}{009}{03}
a`yaM hotaa' pratha`maH pashya'te`mam i`daM jyoti'r a`mR^ita`m martye'Shu |
a`yaM sa ja'j~ne dhru`va aa niSha`tto .a'martyas ta`nvaaKp vardha'maanaH || {6}{009}{04}
dhru`vaM jyoti`r nihi'taM dR^i`shaye` kam mano` javi'ShTham pa`taya'tsv a`ntaH |
vishve' de`vaaH sama'nasaH` sake'taa` ekaM` kratu'm a`bhi vi ya'nti saa`dhu || {6}{009}{05}
vi me` karNaa' patayato` vi cakShu`r viiKp daM jyoti`r hR^ida'ya` aahi'taM` yat |
vi me` mana'sh carati duu`raaa'dhiiH` kiM svi'd va`kShyaami` kim u` nuu ma'niShye || {6}{009}{06}
vishve' de`vaa a'namasyan bhiyaa`naas tvaam a'gne` tama'si tasthi`vaaMsa'm |
vai`shvaa`na`ro .avatuu`taye` no .a'martyo .avatuu`taye' naH || {6}{009}{07}


(451)
pu`ro vo' ma`ndraM di`vyaM su'vR^i`ktim pra'ya`ti ya`j~ne a`gnim a'dhva`re da'dhidhvam |
pu`ra u`kthebhiH` sa hi no' vi`bhaavaa' svadhva`raa ka'rati jaa`tave'daaH || {6}{010}{01}
tam u' dyumaH purvaNiika hota`r agne' a`gnibhi`r manu'Sha idhaa`naH |
stomaM` yam a'smai ma`mate'va shuu`ShaM ghR^i`taM na shuci' ma`tayaH' pavante || {6}{010}{02}
pii`paaya` sa shrava'saa` martye'Shu` yo a`gnaye' da`daasha` vipra' u`kthaiH |
ci`traabhi`s tam uu`tibhi'sh ci`trasho'cir vra`jasya' saa`taa goma'to dadhaati || {6}{010}{03}
aa yaH pa`prau jaaya'maana u`rvii duu're`dR^ishaa' bhaa`saa kR^i`ShNaadhvaa' |
adha' ba`hu ci`t tama` uurmyaa'yaas ti`raH sho`ciShaa' dadR^ishe paava`kaH || {6}{010}{04}
nuu na'sh ci`tram pu'ru`vaajaa'bhir uu`tii agne' ra`yim ma`ghava'dbhyash ca dhehi |
ye raadha'saa` shrava'saa` caaty a`nyaan su`viirye'bhish caa`bhi santi` janaa'n || {6}{010}{05}
i`maM ya`j~naM cano' dhaa agna u`shan yaM ta' aasaa`no ju'hu`te ha`viShmaa'n |
bha`radvaa'jeShu dadhiShe suvR^i`ktim avii`r vaaja'sya` gadhya'sya saa`tau || {6}{010}{06}
vi dveShaaM'siinu`hi va`rdhayeLaa`m made'ma sha`tahi'maaH su`viiraaH' || {6}{010}{07}


(452)
yaja'sva hotar iShi`to yajii'yaa`n agne` baadho' ma`rutaaM` na prayu'kti |
aa no' mi`traavaru'Naa` naasa'tyaa` dyaavaa' ho`traaya' pR^ithi`vii va'vR^ityaaH || {6}{011}{01}
tvaM hotaa' ma`ndrata'mo no a`dhrug a`ntar de`vo vi`dathaa` martye'Shu |
paa`va`kayaa' ju`hvaaKp vahni'r aa`saagne` yaja'sva ta`nvakp M tava` svaam || {6}{011}{02}
dhanyaa' ci`d dhi tve dhi`ShaNaa` vaShTi` pra de`vaa~n janma' gR^iNa`te yaja'dhyai |
vepi'ShTho` a~Ngi'rasaaM` yad dha` vipro` madhu' Cha`ndo bhana'ti re`bha i`ShTau || {6}{011}{03}
adi'dyuta`t sv apaa'ko vi`bhaavaagne` yaja'sva` roda'sii uruu`cii |
aa`yuM na yaM nama'saa raa`taha'vyaa a`~njanti' supra`yasa`m pa~nca` janaaH' || {6}{011}{04}
vR^i`~nje ha` yan nama'saa ba`rhir a`gnaav ayaa'mi` srug ghR^i`tava'tii suvR^i`ktiH |
amya'kShi` sadma` sada'ne pR^ithi`vyaa ashraa'yi ya`j~naH suurye` na cakShuH' || {6}{011}{05}
da`sha`syaa naH' purvaNiika hotar de`vebhi'r agne a`gnibhi'r idhaa`naH |
raa`yaH suu'no sahaso vaavasaa`naa ati' srasema vR^i`janaM` naaMhaH' || {6}{011}{06}


(453)
madhye` hotaa' duro`Ne ba`rhiSho` raaL a`gnis to`dasya` roda'sii` yaja'dhyai |
a`yaM sa suu`nuH saha'sa R^i`taavaa' duu`raat suuryo` na sho`ciShaa' tataana || {6}{012}{01}
aa yasmi`n tve sv apaa'ke yajatra` yakSha'd raajan sa`rvataa'teva` nu dyauH |
tri`Sha`dhastha's tata`ruSho` na jaMho' ha`vyaa ma`ghaani` maanu'Shaa` yaja'dhyai || {6}{012}{02}
teji'ShThaa` yasyaa'ra`tir va'ne`raaT to`do adhva`n na vR^i'dhasaa`no a'dyaut |
a`dro`gho na dra'vi`taa ce'tati` tmann ama'rtyo .ava`rtra oSha'dhiiShu || {6}{012}{03}
saasmaake'bhir e`tarii` na shuu`Shair a`gni ShTa've` dama` aa jaa`tave'daaH |
drvanno va`nvan kratvaa` naarvo`sraH pi`teva' jaara`yaayi' ya`j~naiH || {6}{012}{04}
adha' smaasya panayanti` bhaaso` vR^ithaa` yat takSha'd anu`yaati' pR^i`thviim |
sa`dyo yaH sya`ndro viShi'to` dhavii'yaan R^i`No na taa`yur ati` dhanvaa' raaT || {6}{012}{05}
sa tvaM no' arva`n nidaa'yaa` vishve'bhir agne a`gnibhi'r idhaa`naH |
veShi' raa`yo vi yaa'si du`cChunaa` made'ma sha`tahi'maaH su`viiraaH' || {6}{012}{06}


(454)
tvad vishvaa' subhaga` saubha'gaa`ny agne` vi ya'nti va`nino` na va`yaaH |
shru`ShTii ra`yir vaajo' vR^itra`tuurye' di`vo vR^i`ShTir iiDyo' rii`tir a`paam || {6}{013}{01}
tvam bhago' na` aa hi ratna'm i`She pari'jmeva kShayasi da`smava'rcaaH |
agne' mi`tro na bR^i'ha`ta R^i`tasyaasi' kSha`ttaa vaa`masya' deva` bhuureH' || {6}{013}{02}
sa satpa'tiH` shava'saa hanti vR^i`tram agne` vipro` vi pa`Ner bha'rti` vaaja'm |
yaM tvam pra'ceta R^itajaata raa`yaa sa`joShaa` naptraa`paaM hi`noShi' || {6}{013}{03}
yas te' suuno sahaso gii`rbhir u`kthair ya`j~nair marto` nishi'tiM ve`dyaana'T |
vishvaM` sa de'va` prati` vaara'm agne dha`tte dhaa`nyakp m patya'te vasavyaaiH || {6}{013}{04}
taa nR^ibhya` aa sau'shrava`saa su`viiraagne' suuno sahasaH pu`Shyase' dhaaH |
kR^i`NoShi` yac Chava'saa` bhuuri' pa`shvo vayo` vR^ikaa'yaa`raye` jasu'raye || {6}{013}{05}
va`dmaa suu'no sahaso no` vihaa'yaa` agne' to`kaM tana'yaM vaa`ji no' daaH |
vishvaa'bhir gii`rbhir a`bhi puu`rtim a'shyaa`m made'ma sha`tahi'maaH su`viiraaH' || {6}{013}{06}


(455)
a`gnaa yo martyo` duvo` dhiyaM' ju`joSha' dhii`tibhiH' |
bhasa`n nu Sha pra puu`rvya iShaM' vurii`taava'se || {6}{014}{01}
a`gnir id dhi prace'taa a`gnir ve`dhasta'ma` R^iShiH' |
a`gniM hotaa'ram iiLate ya`j~neShu` manu'Sho` vishaH' || {6}{014}{02}
naanaa` hy akp gne .a'vase` spardha'nte` raayo' a`ryaH |
tuurva'nto` dasyu'm aa`yavo' vra`taiH siikSha'nto avra`tam || {6}{014}{03}
a`gnir a`psaam R^i'tii`ShahaM' vii`raM da'daati` satpa'tim |
yasya` trasa'nti` shava'saH saM`cakShi` shatra'vo bhi`yaa || {6}{014}{04}
a`gnir hi vi`dmanaa' ni`do de`vo marta'm uru`Shyati' |
sa`haavaa` yasyaavR^i'to ra`yir vaaje`Shv avR^i'taH || {6}{014}{05}
acChaa' no mitramaho deva de`vaan agne` vocaH' suma`tiM roda'syoH |
vii`hi sva`stiM su'kShi`tiM di`vo nR^In dvi`Sho aMhaaM'si duri`taa ta'rema` taa ta'rema` tavaava'saa tarema || |

(456)
i`mam uu` Shu vo` ati'thim uSha`rbudhaM` vishvaa'saaM vi`shaam pati'm R^i~njase gi`raa |
vetiid di`vo ja`nuShaa` kac ci`d aa shuci`r jyok ci'd atti` garbho` yad acyu'tam || {6}{015}{01}
mi`traM na yaM sudhi'ta`m bhR^iga'vo da`dhur vana`spataa`v iiDya'm uu`rdhvasho'ciSham |
sa tvaM suprii'to vii`taha'vye adbhuta` prasha'stibhir mahayase di`ve-di've || {6}{015}{02}
sa tvaM dakSha'syaavR^i`ko vR^i`dho bhuu'r a`ryaH para`syaanta'rasya` taru'ShaH |
raa`yaH suu'no sahaso` martye`Shv aa Cha`rdir ya'cCha vii`taha'vyaaya sa`pratho' bha`radvaa'jaaya sa`prathaH' || |
dyu`taa`naM vo` ati'thiM` svarNaram a`gniM hotaa'ra`m manu'ShaH svadhva`ram |
vipraM` na dyu`kShava'casaM suvR^i`ktibhi'r havya`vaaha'm ara`tiM de`vam R^i'~njase || {6}{015}{04}
paa`va`kayaa` yash ci`taya'ntyaa kR^i`paa kShaama'n ruru`ca u`Shaso` na bhaa`nunaa' |
tuurva`n na yaama`nn eta'shasya` nuu raNa` aa yo ghR^i`Ne na ta'tR^iShaa`No a`jaraH' || {6}{015}{05}
a`gnim-a'gniM vaH sa`midhaa' duvasyata pri`yam-pri'yaM vo` ati'thiM gR^iNii`ShaNi' |
upa' vo gii`rbhir a`mR^itaM' vivaasata |
de`vo de`veShu` vana'te` hi vaaryaM' de`vo de`veShu` vana'te` hi no` duvaH' || {6}{015}{06}
sami'ddham a`gniM sa`midhaa' gi`raa gR^i'Ne` shuci'm paava`kam pu`ro a'dhva`re dhru`vam |
vipraM` hotaa'ram puru`vaara'm a`druhaM' ka`viM su`mnair ii'mahe jaa`tave'dasam || {6}{015}{07}
tvaaM duu`tam a'gne a`mR^itaM' yu`ge-yu'ge havya`vaahaM' dadhire paa`yum iiDya'm |
de`vaasa'sh ca` martaa'sash ca` jaagR^i'viM vi`bhuM vi`shpatiM` nama'saa` ni She'dire || {6}{015}{08}
vi`bhuuSha'nn agna u`bhayaa`m+ anu' vra`taa duu`to de`vaanaaM` raja'sii` sam ii'yase |
yat te' dhii`tiM su'ma`tim aa'vR^iNii`mahe .a'dha smaa nas tri`varuu'thaH shi`vo bha'va || {6}{015}{09}
taM su`pratii'kaM su`dR^ishaM` sva~nca`m avi'dvaaMso vi`duShTa'raM sapema |
sa ya'kSha`d vishvaa' va`yunaa'ni vi`dvaan pra ha`vyam a`gnir a`mR^ite'Shu vocat || {6}{015}{10}
tam a'gne paasy u`ta tam pi'parShi` yas ta` aana'T ka`vaye' shuura dhii`tim |
ya`j~nasya' vaa` nishi'tiM` vodi'tiM vaa` tam it pR^i'NakShi` shava'so`ta raa`yaa || {6}{015}{11}
tvam a'gne vanuShya`to ni paa'hi` tvam u' naH sahasaavann ava`dyaat |
saM tvaa' dhvasma`nvad a`bhy etu` paathaH` saM ra`yi spR^i'ha`yaayyaH' saha`srii || {6}{015}{12}
a`gnir hotaa' gR^i`hapa'tiH` sa raajaa` vishvaa' veda` jani'maa jaa`tave'daaH |
de`vaanaa'm u`ta yo martyaa'naaM` yaji'ShThaH` sa pra ya'jataam R^i`taavaa' || {6}{015}{13}
agne` yad a`dya vi`sho a'dhvarasya hotaH` paava'kashoce` veSh TvaM hi yajvaa' |
R^i`taa ya'jaasi mahi`naa vi yad bhuur ha`vyaa va'ha yaviShTha` yaa te' a`dya || {6}{015}{14}
a`bhi prayaaM'si` sudhi'taani` hi khyo ni tvaa' dadhiita` roda'sii` yaja'dhyai |
avaa' no maghava`n vaaja'saataa`v agne` vishvaa'ni duri`taa ta'rema` taa ta'rema` tavaava'saa tarema || {6}{015}{15}
agne` vishve'bhiH svaniika de`vair uurNaa'vantam pratha`maH sii'da` yoni'm |
ku`laa`yinaM' ghR^i`tava'ntaM savi`tre ya`j~naM na'ya` yaja'maanaaya saa`dhu || {6}{015}{16}
i`mam u` tyam a'tharva`vad a`gnim ma'nthanti ve`dhasaH' |
yam a'~Nkuu`yanta`m aana'ya`nn amuu'raM shyaa`vyaabhyaH || {6}{015}{17}
jani'Shvaa de`vavii'taye sa`rvataa'taa sva`staye' |
aa de`vaan va'kShy a`mR^itaa'm+ R^itaa`vR^idho' ya`j~naM de`veShu' pispR^ishaH || {6}{015}{18}
va`yam u' tvaa gR^ihapate janaanaa`m agne` aka'rma sa`midhaa' bR^i`hanta'm |
a`sthuu`ri no` gaarha'patyaani santu ti`gma' na`s teja'saa` saM shi'shaadhi || {6}{015}{19}


(457)
tvam a'gne ya`j~naanaaM` hotaa` vishve'ShaaM hi`taH |
de`vebhi`r maanu'She` jane' || {6}{016}{01}
sa no' ma`ndraabhi'r adhva`re ji`hvaabhi'r yajaa ma`haH |
aa de`vaan va'kShi` yakShi' ca || {6}{016}{02}
vetthaa` hi ve'dho` adhva'naH pa`thash ca' de`vaa~nja'saa |
agne' ya`j~neShu' sukrato || {6}{016}{03}
tvaam ii'Le` adha' dvi`taa bha'ra`to vaa`jibhiH' shu`nam |
ii`je ya`j~neShu' ya`j~niya'm || {6}{016}{04}
tvam i`maa vaaryaa' pu`ru divo'daasaaya sunva`te |
bha`radvaa'jaaya daa`shuShe' || {6}{016}{05}
tvaM duu`to ama'rtya` aa va'haa` daivyaM` jana'm |
shR^i`Nvan vipra'sya suShTu`tim || {6}{016}{06}
tvaam a'gne svaa`dhyoKp martaa'so de`vavii'taye |
ya`j~neShu' de`vam ii'Late || {6}{016}{07}
tava` pra ya'kShi saM`dR^isha'm u`ta kratuM' su`daana'vaH |
vishve' juShanta kaa`minaH' || {6}{016}{08}
tvaM hotaa` manu'rhito` vahni'r aa`saa vi`duShTa'raH |
agne` yakShi' di`vo vishaH' || {6}{016}{09}
agna` aa yaa'hi vii`taye' gR^iNaa`no ha`vyadaa'taye |
ni hotaa' satsi ba`rhiShi' || {6}{016}{10}
taM tvaa' sa`midbhi'r a~Ngiro ghR^i`ta' vardhayaamasi |
bR^i`hac Cho'caa yaviShThya || {6}{016}{11}
sa naH' pR^i`thu shra`vaayya`m acChaa' deva vivaasasi |
bR^i`had a'gne su`viirya'm || {6}{016}{12}
tvaam a'gne` puShka'raa`d adhy atha'rvaa` nir a'manthata |
muu`rdhno vishva'sya vaa`ghataH' || {6}{016}{13}
tam u' tvaa da`dhya~N~N R^iShiH' pu`tra ii'dhe` atha'rvaNaH |
vR^i`tra`haNa'm puraMda`ram || {6}{016}{14}
tam u' tvaa paa`thyo vR^iShaa` sam ii'dhe dasyu`hanta'mam |
dha`naM`ja`yaM raNe'-raNe || {6}{016}{15}
ehy uu` Shu bravaa'Ni` te .a'gna i`ttheta'raa` giraH' |
e`bhir va'rdhaasa` indu'bhiH || {6}{016}{16}
yatra` kva ca te` mano` dakShaM' dadhasa` utta'ram |
tatraa` sadaH' kR^iNavase || {6}{016}{17}
na`hi te' puu`rtam a'kShi`pad bhuva'n nemaanaaM vaso |
athaa` duvo' vanavase || {6}{016}{18}
aagnir a'gaami` bhaara'to vR^itra`haa pu'ru`ceta'naH |
divo'daasasya` satpa'tiH || {6}{016}{19}
sa hi vishvaati` paarthi'vaa ra`yiM daasha'n mahitva`naa |
va`nvann avaa'to` astR^i'taH || {6}{016}{20}
sa pra'tna`van navii'ya`saagne' dyu`mna' saM`yataa' |
bR^i`hat ta'tantha bhaa`nunaa' || {6}{016}{21}
pra vaH' sakhaayo a`gnaye` stomaM' ya`j~naM ca' dhR^iShNu`yaa |
arca` gaaya' ca ve`dhase' || {6}{016}{22}
sa hi yo maanu'Shaa yu`gaa siida`d dhotaa' ka`vikra'tuH |
duu`tash ca' havya`vaaha'naH || {6}{016}{23}
taa raajaa'naa` shuci'vrataadi`tyaan maaru'taM ga`Nam |
vaso` yakShii`ha roda'sii || {6}{016}{24}
vasvii' te agne` saMdR^i'ShTir iShaya`te martyaa'ya |
uurjo' napaad a`mR^ita'sya || {6}{016}{25}
kratvaa` daa a'stu` shreShTho' .a`dya tvaa' va`nvan su`rekNaaH' |
marta' aanaasha suvR^i`ktim || {6}{016}{26}
te te' agne` tvotaa' i`Shaya'nto` vishva`m aayuH' |
tara'nto a`ryo araa'tiir va`nvanto' a`ryo araa'tiiH || {6}{016}{27}
a`gnis ti`gma' sho`ciShaa` yaasa`d vishvaM` ny akp triNa'm |
a`gnir no' vanate ra`yim || {6}{016}{28}
su`viiraM' ra`yim aa bha'ra` jaata'vedo` vica'rShaNe |
ja`hi rakShaaM'si sukrato || {6}{016}{29}
tvaM naH' paa`hy aMha'so` jaata'vedo aghaaya`taH |
rakShaa' No brahmaNas kave || {6}{016}{30}
yo no' agne du`reva` aa marto' va`dhaaya` daasha'ti |
tasmaa'n naH paa`hy aMha'saH || {6}{016}{31}
tvaM taM de'va ji`hvayaa` pari' baadhasva du`ShkR^ita'm |
marto` yo no` jighaaM'sati || {6}{016}{32}
bha`radvaa'jaaya sa`prathaH` sharma' yacCha sahantya |
agne` vare'NyaM` vasu' || {6}{016}{33}
a`gnir vR^i`traaNi' ja~Nghanad draviNa`syur vi'pa`nyayaa' |
sami'ddhaH shu`kra aahu'taH || {6}{016}{34}
garbhe' maa`tuH pi`tuSh pi`taa vi'didyutaa`no a`kShare' |
siida'nn R^i`tasya` yoni`m aa || {6}{016}{35}
brahma' pra`jaava`d aa bha'ra` jaata'vedo` vica'rShaNe |
agne` yad dii`daya'd di`vi || {6}{016}{36}
upa' tvaa ra`NvasaM'dR^isha`m praya'svantaH sahaskR^ita |
agne' sasR^i`jmahe` giraH' || {6}{016}{37}
upa' Chaa`yaam i'va` ghR^iNe`r aga'nma` sharma' te va`yam |
agne` hira'NyasaMdR^ishaH || {6}{016}{38}
ya u`gra i'va sharya`haa ti`gmashR^i'~Ngo` na vaMsa'gaH |
agne` puro' ru`roji'tha || {6}{016}{39}
aa yaM haste` na khaa`dinaM` shishuM' jaa`taM na bibhra'ti |
vi`shaam a`gniM sva'dhva`ram || {6}{016}{40}
pra de`vaM de`vavii'taye` bhara'taa vasu`vitta'mam |
aa sve yonau` ni Shii'datu || {6}{016}{41}
aa jaa`taM jaa`tave'dasi pri`yaM shi'shii`taati'thim |
syo`na aa gR^i`hapa'tim || {6}{016}{42}
agne' yu`kShvaa hi ye tavaashvaa'so deva saa`dhavaH' |
araM` vaha'nti ma`nyave' || {6}{016}{43}
acChaa' no yaa`hy aa va'haa`bhi prayaaM'si vii`taye' |
aa de`vaan soma'piitaye || {6}{016}{44}
ud a'gne bhaarata dyu`mad aja'sra` davi'dyutat |
shocaa` vi bhaa'hy ajara || {6}{016}{45}
vii`tii yo de`vam marto' duva`syed a`gnim ii'Liitaadhva`re ha`viShmaa'n |
hotaa'raM satya`yajaM` roda'syor uttaa`naha'sto` nama`saa vi'vaaset || {6}{016}{46}
aa te' agna R^i`caa ha`vir hR^i`daa ta`ShTam bha'raamasi |
te te' bhavantuu`kShaNa' R^iSha`bhaaso' va`shaa u`ta || {6}{016}{47}
a`gniM de`vaaso' agri`yam i`ndhate' vR^itra`hanta'mam |
yaa` vasuu`ny aabhR^i'taa tR^i`Lhaa rakShaaM'si vaa`jinaa' || {6}{016}{48}


(458)
pibaa` soma'm a`bhi yam u'gra` tarda' uu`rvaM gavya`m mahi' gR^iNaa`na i'ndra |
vi yo dhR^i'ShNo` vadhi'Sho vajrahasta` vishvaa' vR^i`tram a'mi`triyaa` shavo'bhiH || {6}{017}{01}
sa ii'm paahi` ya R^i'jii`Shii taru'tro` yaH shipra'vaan vR^iSha`bho yo ma'tii`naam |
yo go'tra`bhid va'jra`bhR^id yo ha'ri`ShThaaH sa i'ndra ci`traam+ a`bhi tR^i'ndhi` vaajaa'n || {6}{017}{02}
e`vaa paa'hi pra`tnathaa` manda'tu tvaa shru`dhi brahma' vaavR^i`dhasvo`ta gii`rbhiH |
aa`viH suuryaM' kR^iNu`hi pii'pi`hiiSho' ja`hi shatruu'm+r a`bhi gaa i'ndra tR^indhi || {6}{017}{03}
te tvaa` madaa' bR^i`had i'ndra svadhaava i`me pii`taa u'kShayanta dyu`manta'm |
ma`haam anuu'naM ta`vasaM` vibhuu'tim matsa`raaso' jarhR^iShanta pra`saaha'm || {6}{017}{04}
yebhiH` suurya'm u`Shasa'm mandasaa`no .a'vaasa`yo .a'pa dR^i`Lhaani` dardra't |
ma`haam adri`m pari` gaa i'ndra` santaM' nu`tthaa acyu'taM` sada'sa`s pari` svaat || {6}{017}{05}
tava` kratvaa` tava` tad daM`sanaa'bhir aa`maasu' pa`kvaM shacyaa` ni dii'dhaH |
aurNo`r dura' u`sriyaa'bhyo` vi dR^i`Lhod uu`rvaad gaa a'sR^ijo` a~Ngi'rasvaan || {6}{017}{06}
pa`praatha` kShaam mahi` daMso` vy ukp rviim upa` dyaam R^i`Shvo bR^i`had i'ndra stabhaayaH |
adhaa'rayo` roda'sii de`vapu'tre pra`tne maa`taraa' ya`hvii R^i`tasya' || {6}{017}{07}
adha' tvaa` vishve' pu`ra i'ndra de`vaa ekaM' ta`vasaM' dadhire` bharaa'ya |
ade'vo` yad a`bhy auhi'ShTa de`vaan svarShaataa vR^iNata` indra`m atra' || {6}{017}{08}
adha` dyaush ci't te` apa` saa nu vajraa'd dvi`taana'mad bhi`yasaa` svasya' ma`nyoH |
ahiM` yad indro' a`bhy oha'saanaM` ni ci'd vi`shvaayuH' sha`yathe' ja`ghaana' || {6}{017}{09}
adha` tvaShTaa' te ma`ha u'gra` vajraM' sa`hasra'bhR^iShTiM vavR^itac Cha`taashri'm |
nikaa'mam a`rama'NasaM` ya` nava'nta`m ahiM` sam pi'Nag R^ijiiShin || {6}{017}{10}
vardhaa`n yaM vishve' ma`rutaH' sa`joShaaH` paca'c Cha`tam ma'hi`Shaam+ i'ndra` tubhya'm |
puu`Shaa viShNu`s triiNi` saraaM'si dhaavan vR^itra`haNa'm madi`ram aM`shum a'smai || {6}{017}{11}
aa kShodo` mahi' vR^i`taM na`diinaa`m pari'ShThitam asR^ija uu`rmim a`paam |
taasaa`m anu' pra`vata' indra` panthaa`m praarda'yo` niicii'r a`pasaH' samu`dram || {6}{017}{12}
e`vaa taa vishvaa' cakR^i`vaaMsa`m indra'm ma`haam u`gram a'ju`ryaM sa'ho`daam |
su`viiraM' tvaa svaayu`dhaM su`vajra`m aa brahma` navya`m ava'se vavR^ityaat || {6}{017}{13}
sa no` vaajaa'ya` shrava'sa i`She ca' raa`ye dhe'hi dyu`mata' indra` vipraa'n |
bha`radvaa'je nR^i`vata' indra suu`riin di`vi ca' smaidhi` paarye' na indra || {6}{017}{14}
a`yaa vaajaM' de`vahi'taM sanema` made'ma sha`tahi'maaH su`viiraaH' || {6}{017}{15}


(459)
tam u' ShTuhi` yo a`bhibhuu'tyojaa va`nvann avaa'taH puruhuu`ta indraH' |
aShaa'Lham u`graM saha'maanam aa`bhir gii`rbhir va'rdha vR^iSha`bhaM ca'rShaNii`naam || {6}{018}{01}
sa yu`dhmaH satvaa' khaja`kR^it sa`madvaa' tuvimra`kSho na'danu`maam+ R^i'jii`Shii |
bR^i`hadre'Nu`sh cyava'no` maanu'ShiiNaa`m ekaH' kR^iShTii`naam a'bhavat sa`haavaa' || {6}{018}{02}
tvaM ha` nu tyad a'damaayo` dasyuu`m+r ekaH' kR^i`ShTiir a'vano`r aaryaa'ya |
asti' svi`n nu vii`ryakp M tat ta' indra` na svi'd asti` tad R^i'tu`thaa vi vo'caH || {6}{018}{03}
sad id dhi te' tuvijaa`tasya` manye` sahaH' sahiShTha tura`tas tu`rasya' |
u`gram u`grasya' ta`vasa`s tavii`yo .a'radhrasya radhra`turo' babhuuva || {6}{018}{04}
tan naH' pra`tnaM sa`khyam a'stu yu`Shme i`tthaa vada'dbhir va`lam a~Ngi'robhiH |
hann a'cyutacyud dasme`Shaya'ntam R^i`NoH puro` vi duro' asya` vishvaaH' || {6}{018}{05}
sa hi dhii`bhir havyo` asty u`gra ii'shaana`kR^in ma'ha`ti vR^i'tra`tuurye' |
sa to`kasaa'taa` tana'ye` sa va`jrii vi'tanta`saayyo' abhavat sa`matsu' || {6}{018}{06}
sa ma`jmanaa` jani'ma` maanu'ShaaNaa`m ama'rtya` naamnaati` pra sa'rsre |
sa dyu`mna` sa shava'so`ta raa`yaa sa vii`rya` nR^ita'maH` samo'kaaH || {6}{018}{07}
sa yo na mu`he na mithuu` jano` bhuut su`mantu'naamaa` cumu'riM` dhuniM' ca |
vR^i`Nak pipruM` shamba'raM` shuShNa`m indraH' pu`raaM cyau`tnaaya' sha`yathaa'ya` nuu ci't || {6}{018}{08}
u`daava'taa` tvakSha'saa` panya'saa ca vR^itra`hatyaa'ya` ratha'm indra tiShTha |
dhi`Shva vajraM` hasta` aa da'kShiNa`traabhi pra ma'nda purudatra maa`yaaH || {6}{018}{09}
a`gnir na shuShkaM` vana'm indra he`tii rakSho` ni dha'kShy a`shani`r na bhii`maa |
ga`mbhii`raya' R^i`Shvayaa` yo ru`rojaadhvaa'nayad duri`taa da`mbhaya'c ca || {6}{018}{10}
aa sa`hasra'm pa`thibhi'r indra raa`yaa tuvi'dyumna tuvi`vaaje'bhir a`rvaak |
yaa`hi suu'no sahaso` yasya` nuu ci`d ade'va` iishe' puruhuuta` yotoH' || {6}{018}{11}
pra tu'vidyu`mnasya` sthavi'rasya` ghR^iShve'r di`vo ra'rapshe mahi`maa pR^i'thi`vyaaH |
naasya` shatru`r na pra'ti`maana'm asti` na pra'ti`ShThiH pu'rumaa`yasya` sahyoH' || {6}{018}{12}
pra tat te' a`dyaa kara'NaM kR^i`tam bhuu`t kutsaM` yad aa`yum a'tithi`gvam a'smai |
pu`ruu sa`hasraa` ni shi'shaa a`bhi kShaam ut tuurva'yaaNaM dhR^iSha`taa ni'netha || {6}{018}{13}
anu` tvaahi'ghne` adha' deva de`vaa mada`n vishve' ka`vita'maM kavii`naam |
karo` yatra` vari'vo baadhi`taaya' di`ve janaa'ya ta`nve gR^iNaa`naH || {6}{018}{14}
anu` dyaavaa'pR^ithi`vii tat ta` ojo .a'martyaa jihata indra de`vaaH |
kR^i`Shvaa kR^i'tno` akR^i'taM` yat te` asty u`kthaM navii'yo janayasva ya`j~naiH || {6}{018}{15}


(460)
ma`haam+ indro' nR^i`vad aa ca'rShaNi`praa u`ta dvi`barhaa' ami`naH saho'bhiH |
a`sma`dryag vaavR^idhe vii`ryaayo`ruH pR^i`thuH sukR^i'taH ka`rtR^ibhi'r bhuut || {6}{019}{01}
indra'm e`va dhi`ShaNaa' saa`taye' dhaad bR^i`hanta'm R^i`Shvam a`jaraM` yuvaa'nam |
aShaa'Lha` shava'saa shuushu`vaaMsaM' sa`dyash ci`d yo vaa'vR^i`dhe asaa'mi || {6}{019}{02}
pR^i`thuu ka`rasnaa' bahu`laa gabha'stii asma`dryakp k sam mi'miihi` shravaaM'si |
yuu`theva' pa`shvaH pa'shu`paa damuu'naa a`smaam+ i'ndraa`bhy aa va'vR^itsvaa`jau || {6}{019}{03}
taM va` indraM' ca`tina'm asya shaa`kair i`ha nuu`naM vaa'ja`yanto' huvema |
yathaa' ci`t puurve' jari`taara' aa`sur ane'dyaa anava`dyaa ari'ShTaaH || {6}{019}{04}
dhR^i`tavra'to dhana`daaH soma'vR^iddhaH` sa hi vaa`masya` vasu'naH puru`kShuH |
saM ja'gmire pa`thyaaKp raayo' asmin samu`dre na sindha'vo` yaada'maanaaH || {6}{019}{05}
shavi'ShThaM na` aa bha'ra shuura` shava` oji'ShTha`m ojo' abhibhuuta u`gram |
vishvaa' dyu`mnaa vR^iShNyaa` maanu'ShaaNaam a`smabhyaM' daa harivo maada`yadhyai' || {6}{019}{06}
yas te` madaH' pR^itanaa`ShaaL amR^i'dhra` indra` taM na` aa bha'ra shuushu`vaaMsa'm |
ya' to`kasya` tana'yasya saa`tau maM'sii`mahi' jigii`vaaMsa`s tvotaaH' || {6}{019}{07}
aa no' bhara` vR^iSha'NaM` shuShma'm indra dhana`spR^itaM' shuushu`vaaMsaM' su`dakSha'm |
ya` vaMsaa'ma` pR^ita'naasu` shatruu`n tavo`tibhi'r u`ta jaa`miim+r ajaa'miin || {6}{019}{08}
aa te` shuShmo' vR^iSha`bha e'tu pa`shcaad otta`raad a'dha`raad aa pu`rastaa't |
aa vi`shvato' a`bhi sam e'tv a`rvaa~N indra' dyu`mnaM svarvad dhehy a`sme || {6}{019}{09}
nR^i`vat ta' indra` nR^ita'maabhir uu`tii vaM'sii`mahi' vaa`maM shroma'tebhiH |
iikShe` hi vasva' u`bhaya'sya raaja`n dhaa ratna`m mahi' sthuu`ram bR^i`hanta'm || {6}{019}{10}
ma`rutva'ntaM vR^iSha`bhaM vaa'vR^idhaa`nam aka'vaariM di`vyaM shaa`sam indra'm |
vi`shvaa`saaha`m ava'se` nuuta'naayo`graM sa'ho`daam i`ha taM hu'vema || {6}{019}{11}
janaM' vajri`n mahi' ci`n manya'maanam e`bhyo nR^ibhyo' randhayaa` yeShv asmi' |
adhaa` hi tvaa' pR^ithi`vyaaM shuura'saatau` havaa'mahe` tana'ye` goShv a`psu || {6}{019}{12}
va`yaM ta' e`bhiH pu'ruhuuta sa`khyaiH shatroH'-shatro`r utta'ra` it syaa'ma |
ghnanto' vR^i`traaNy u`bhayaa'ni shuura raa`yaa ma'dema bR^iha`taa tvotaaH' || {6}{019}{13}

(461)
dyaur na ya i'ndraa`bhi bhuumaa`ryas ta`sthau ra`yiH shava'saa pR^i`tsu janaa'n |
taM naH' sa`hasra'bharam urvaraa`saaM da`ddhi suu'no sahaso vR^itra`tura'm || {6}{020}{01}
di`vo na tubhya`m anv i'ndra sa`traasu`ryaM de`vebhi'r dhaayi` vishva'm |
ahiM` yad vR^i`tram a`po va'vri`vaaMsaM` hann R^i'jiiShi`n viShNu'naa sacaa`naH || {6}{020}{02}
tuurva`nn ojii'yaan ta`vasa`s tavii'yaan kR^i`tabra`hmdro' vR^i`ddhama'haaH |
raajaa'bhava`n madhu'naH so`myasya` vishvaa'saaM` yat pu`raaM da`rtnum aava't || {6}{020}{03}
sha`tair a'padran pa`Naya' i`ndraatra` dasho'Naye ka`vaye' .a`rkasaa'tau |
va`dhaiH shuShNa'syaa`shuSha'sya maa`yaaH pi`tvo naari'recii`t kiM ca`na pra || {6}{020}{04}
ma`ho dru`ho apa' vi`shvaayu' dhaayi` vajra'sya` yat pata'ne` paadi` shuShNaH' |
u`ru Sha sa`rathaM` saara'thaye ka`r indraH` kutsaa'ya` suurya'sya saa`tau || {6}{020}{05}
pra shye`no na ma'di`ram aM`shum a'smai` shiro' daa`sasya` namu'cer mathaa`yan |
praava`n namiiM' saa`pyaM sa`santa'm pR^i`Nag raa`yaa sam i`Shaa saM sva`sti || {6}{020}{06}
vi pipro`r ahi'maayasya dR^i`LhaaH puro' vajri`~n Chava'saa` na da'rdaH |
sudaa'ma`n tad rekNo' apramR^i`Shyam R^i`jishva'ne daa`traM daa`shuShe' daaH || {6}{020}{07}
sa ve'ta`suM dasha'maayaM` dasho'NiM` tuutu'ji`m indraH' svabhi`ShTisu'mnaH |
aa tugraM` shashva`d ibhaM` dyota'naaya maa`tur na sii`m upa' sR^ijaa i`yadhyai' || {6}{020}{08}
sa iiM` spR^idho' vanate` apra'tiito` bibhra`d vajraM' vR^itra`haNaM` gabha'stau |
tiShTha`d dharii` adhy aste'va` garte' vaco`yujaa' vahata` indra'm R^i`Shvam || {6}{020}{09}
sa`nema` te .a'vasaa` navya' indra` pra puu`rava' stavanta e`naa ya`j~naiH |
sa`pta yat puraH` sharma` shaara'dii`r dard dhan daasiiH' puru`kutsaa'ya` shikSha'n || {6}{020}{10}
tvaM vR^i`dha i'ndra puu`rvyo bhuu'r variva`syann u`shane' kaa`vyaaya' |
paraa` nava'vaastvam anu`deya'm ma`he pi`tre da'daatha` svaM napaa'tam || {6}{020}{11}
tvaM dhuni'r indra` dhuni'matiir R^i`Nor a`paH sii`raa na srava'ntiiH |
pra yat sa'mu`dram ati' shuura` parShi' paa`rayaa' tu`rvashaM` yaduM' sva`sti || {6}{020}{12}
tava' ha` tyad i'ndra` vishva'm aa`jau sa`sto dhunii`cumu'rii` yaa ha` siShva'p |
dii`daya`d it tubhyaM` some'bhiH su`nvan da`bhiiti'r i`dhmabhR^i'tiH pa`kthy akp rkaiH || {6}{020}{13}

(462)
i`maa u' tvaa puru`tama'sya kaa`ror havyaM' viira` havyaa' havante |
dhiyo' rathe`ShThaam a`jaraM` navii'yo ra`yir vibhuu'tir iiyate vaca`syaa || {6}{021}{01}
tam u' stuSha` indraM` yo vidaa'no` girvaa'hasaM gii`rbhir ya`j~navR^i'ddham |
yasya` diva`m ati' ma`hnaa pR^i'thi`vyaaH pu'rumaa`yasya' riri`ce ma'hi`tvam || {6}{021}{02}
sa it tamo' .avayu`naM ta'ta`nvat suurye'Na va`yuna'vac cakaara |
ka`daa te` martaa' a`mR^ita'sya` dhaameya'kShanto` na mi'nanti svadhaavaH || {6}{021}{03}
yas taa ca`kaara` sa kuha' svi`d indraH` kam aa janaM' carati` kaasu' vi`kShu |
kas te' ya`j~no mana'se` shaM varaa'ya` ko a`rka i'ndra kata`maH sa hotaa' || {6}{021}{04}
i`daa hi te` vevi'ShataH puraa`jaaH pra`tnaasa' aa`suH pu'rukR^i`t sakhaa'yaH |
ye ma'dhya`maasa' u`ta nuuta'naasa u`taava`masya' puruhuuta bodhi || {6}{021}{05}
tam pR^i`cChanto .a'varaasaH` paraa'Ni pra`tnaa ta' indra` shrutyaanu' yemuH |
arcaa'masi viira brahmavaaho` yaad e`va vi`dma taat tvaa' ma`haanta'm || {6}{021}{06}
a`bhi tvaa` paajo' ra`kShaso` vi ta'sthe` mahi' jaj~naa`nam a`bhi tat su ti'ShTha |
tava' pra`tna` yujye'na` sakhyaa` vajre'Na dhR^iShNo` apa` taa nu'dasva || {6}{021}{07}
sa tu shru'dhiindra` nuuta'nasya brahmaNya`to vii'ra kaarudhaayaH |
tvaM hy aaKp piH pra`divi' pitR^I`NaaM shashva'd ba`bhuutha' su`hava` eShTau' || {6}{021}{08}
protaye` varu'Nam mi`tram indra'm ma`rutaH' kR^i`Shvaava'se no a`dya |
pra puu`ShaNaM` viShNu'm a`gnim puraM'dhiM savi`taara`m oSha'dhiiH` parva'taaMsh ca || {6}{021}{09}
i`ma u' tvaa purushaaka prayajyo jari`taaro' a`bhy arcanty a`rkaiH |
shru`dhii hava`m aa hu'va`to hu'vaa`no na tvaavaa'm+ a`nyo a'mR^ita` tvad a'sti || {6}{021}{10}
nuu ma` aa vaaca`m upa' yaahi vi`dvaan vishve'bhiH suuno sahaso` yaja'traiH |
ye a'gniji`hvaa R^i'ta`saapa' aa`sur ye manuM' ca`krur upa'raM` dasaa'ya || {6}{021}{11}
sa no' bodhi purae`taa su`geShuu`ta du`rgeShu' pathi`kR^id vidaa'naH |
ye ashra'maasa u`ravo` vahi'ShThaa`s tebhi'r na indraa`bhi va'kShi` vaaja'm || {6}{021}{12}


(463)
ya eka` id dhavya'sh carShaNii`naam indraM` taM gii`rbhir a`bhy arca aa`bhiH |
yaH patya'te vR^iSha`bho vR^iShNyaa'vaan sa`tyaH satvaa' purumaa`yaH saha'svaan || {6}{022}{01}
tam u' naH` puurve' pi`taro` nava'gvaaH sa`pta vipraa'so a`bhi vaa`jaya'ntaH |
na`kSha`ddaa`bhaM tatu'rim parvate`ShThaam adro'ghavaacam ma`tibhiH` shavi'ShTham || {6}{022}{02}
tam ii'maha` indra'm asya raa`yaH pu'ru`viira'sya nR^i`vataH' puru`kShoH |
yo askR^i'dhoyur a`jaraH` svarvaa`n tam aa bha'ra harivo maada`yadhyai' || {6}{022}{03}
tan no` vi vo'co` yadi' te pu`raa ci'j jari`taara' aana`shuH su`mnam i'ndra |
kas te' bhaa`gaH kiM vayo' dudhra khidvaH` puru'huuta puruuvaso .asura`ghnaH || {6}{022}{04}
tam pR^i`cChantii` vajra'hastaM rathe`ShThaam indraM` vepii` vakva'rii` yasya` nuu giiH |
tu`vi`graa`bhaM tu'vikuu`rmiM ra'bho`daam gaa`tum i'She` nakSha'te` tumra`m acCha' || {6}{022}{05}
a`yaa ha` tyam maa`yayaa' vaavR^idhaa`nam ma'no`juvaa' svatavaH` parva'ta |
acyu'taa cid viiLi`taa svo'jo ru`jo vi dR^i`Lhaa dhR^i'Sha`taa vi'rapshin || {6}{022}{06}
taM vo' dhi`yaa navya'syaa` shavi'ShTham pra`tnam pra'tna`vat pa'ritaMsa`yadhyai' |
sa no' vakShad animaa`naH su`vahmdro` vishvaa`ny ati' du`rgahaa'Ni || {6}{022}{07}
aa janaa'ya` druhva'Ne` paarthi'vaani di`vyaani' diipayo .a`ntari'kShaa |
tapaa' vR^iShan vi`shvataH' sho`ciShaa` taan bra'hma`dviShe' shocaya` kShaam a`pash ca' || {6}{022}{08}
bhuvo` jana'sya di`vyasya` raajaa` paarthi'vasya` jaga'tas tveShasaMdR^ik |
dhi`Shva vajraM` dakShi'Na indra` haste` vishvaa' ajurya dayase` vi maa`yaaH || {6}{022}{09}
aa saM`yata'm indra NaH sva`stiM sha'tru`tuuryaa'ya bR^iha`tiim amR^i'dhraam |
yayaa` daasaa`ny aaryaa'Ni vR^i`traa karo' vajrin su`tukaa` naahu'ShaaNi || {6}{022}{10}
sa no' ni`yudbhiH' puruhuuta vedho vi`shvavaa'raabhi`r aa ga'hi prayajyo |
na yaa ade'vo` vara'te` na de`va aabhi'r yaahi` tuuya`m aa ma'drya`drik || {6}{022}{11}


(464)
su`ta it tvaM nimi'shla indra` some` stome` brahma'Ni sha`syamaa'na u`kthe |
yad vaa' yu`ktaabhyaa'm maghava`n hari'bhyaa`m bibhra`d vajra'm baa`hvor i'ndra` yaasi' || {6}{023}{01}
yad vaa' di`vi paarye` suShvi'm indra vR^itra`hatye .a'vasi` shuura'saatau |
yad vaa` dakSha'sya bi`bhyuSho` abi'bhya`d ara'ndhayaH` shardha'ta indra` dasyuu'n || {6}{023}{02}
paataa' su`tam indro' astu` soma'm praNe`niir u`gro ja'ri`taara'm uu`tii |
kartaa' vii`raaya` suShva'ya ulo`kaM daataa` vasu' stuva`te kii`raye' cit || {6}{023}{03}
ganteyaa'nti` sava'naa` hari'bhyaam ba`bhrir vajra'm pa`piH somaM' da`dir gaaH |
kartaa' vii`raM naryaM` sarva'viiraM` shrotaa` havaM' gR^iNa`ta stoma'vaahaaH || {6}{023}{04}
asmai' va`yaM yad vaa`vaana` tad vi'viShma` indraa'ya` yo naH' pra`divo` apa`s kaH |
su`te some' stu`masi` shaMsa'd u`kthdraa'ya` brahma` vardha'naM` yathaasa't || {6}{023}{05}
brahmaa'Ni` hi ca'kR^i`She vardha'naani` taava't ta indra ma`tibhi'r viviShmaH |
su`te some' sutapaaH` shaMta'maani` raaNDyaa' kriyaasma` vakSha'Naani ya`j~naiH || {6}{023}{06}
sa no' bodhi puro`LaashaM` raraa'NaH` pibaa` tu somaM` goR^i'jiikam indra |
edam ba`rhir yaja'maanasya siido`ruM kR^i'dhi tvaaya`ta u'lo`kam || {6}{023}{07}
sa ma'ndasvaa` hy anu` joSha'm ugra` pra tvaa' ya`j~naasa' i`me a'shnuvantu |
preme havaa'saH puruhuu`tam a`sme aa tve`yaM dhiir ava'sa indra yamyaaH || {6}{023}{08}
taM vaH' sakhaayaH` saM yathaa' su`teShu` some'bhir iim pR^iNataa bho`jam indra'm |
ku`vit tasmaa` asa'ti no` bharaa'ya` na suShvi`m indro .a'vase mR^idhaati || {6}{023}{09}
e`ved indraH' su`te a'staavi` some' bha`radvaa'jeShu` kShaya`d in ma`ghonaH' |
asa`d yathaa' jari`tra u`ta suu`rir indro' raa`yo vi`shvavaa'rasya daa`taa || {6}{023}{10}

(465)
vR^iShaa` mada` indre` shloka' u`kthaa sacaa` some'Shu suta`paa R^i'jii`Shii |
a`rca`tryo ma`ghavaa` nR^ibhya' u`kthair dyu`kSho raajaa' gi`raam akShi'totiH || {6}{024}{01}
tatu'rir vii`ro naryo` vice'taaH` shrotaa` havaM' gR^iNa`ta u`rvyuutiH |
vasuH` shaMso' na`raaM kaa`rudhaa'yaa vaa`jii stu`to vi`dathe' daati` vaaja'm || {6}{024}{02}
akSho` na ca`kryoH shuura bR^i`han pra te' ma`hnaa ri'rice` roda'syoH |
vR^i`kShasya` nu te' puruhuuta va`yaa vy uuKp tayo' ruruhur indra puu`rviiH || {6}{024}{03}
shacii'vatas te purushaaka` shaakaa` gavaa'm iva sru`tayaH' saM`cara'NiiH |
va`tsaanaaM` na ta`ntaya's ta indra` daama'nvanto adaa`maanaH' sudaaman || {6}{024}{04}
a`nyad a`dya karva'ram a`nyad u` shvo .a'sac ca` san muhu'r aaca`krir indraH' |
mi`tro no` atra` varu'Nash ca puu`Shaaryo vasha'sya parye`taasti' || {6}{024}{05}
vi tvad aapo` na parva'tasya pR^i`ShThaad u`kthebhi'r indraanayanta ya`j~naiH |
taM tvaa`bhiH su'ShTu`tibhi'r vaa`jaya'nta aa`jiM na ja'gmur girvaaho` ashvaaH' || {6}{024}{06}
na yaM jara'nti sha`rado` na maasaa` na dyaava` indra'm avaka`rshaya'nti |
vR^i`ddhasya' cid vardhataam asya ta`nuu stome'bhir u`kthaish ca' sha`syamaa'naa || {6}{024}{07}
na vii`Lave` nama'te` na sthi`raaya` na shardha'te` dasyu'juutaaya sta`vaan |
ajraa` indra'sya gi`raya'sh cid R^i`Shvaa ga'mbhii`re ci'd bhavati gaa`dham a'smai || {6}{024}{08}
ga`mbhii`ra' na u`ruNaa'matri`n preSho ya'ndhi sutapaava`n vaajaa'n |
sthaa uu` Shu uu`rdhva uu`tii ari'ShaNyann a`ktor vyuShTau` pari'takmyaayaam || {6}{024}{09}
saca'sva naa`yam ava'se a`bhiika' i`to vaa` tam i'ndra paahi ri`ShaH |
a`maa cai'na`m ara'Nye paahi ri`Sho made'ma sha`tahi'maaH su`viiraaH' || {6}{024}{10}


(466)
yaa ta' uu`tir a'va`maa yaa pa'ra`maa yaa ma'dhya`mdra' shuShmi`nn asti' |
taabhi'r uu` Shu vR^i'tra`hatye' .aviir na e`bhish ca` vaajai'r ma`haan na' ugra || {6}{025}{01}
aabhi` spR^idho' mitha`tiir ari'ShaNyann a`mitra'sya vyathayaa ma`nyum i'ndra |
aabhi`r vishvaa' abhi`yujo` viShuu'cii`r aaryaa'ya` visho .a'va taarii`r daasiiH' || {6}{025}{02}
indra' jaa`maya' u`ta ye .a'jaamayo .arvaacii`naaso' va`nuSho' yuyu`jre |
tvam e'ShaaM vithu`raa shavaaM'si ja`hi vR^iShNyaa'ni kR^iNu`hii paraa'caH || {6}{025}{03}
shuuro' vaa` shuuraM' vanate` sharii'rais tanuu`rucaa` taru'Shi` yat kR^i`Nvaite' |
to`ke vaa` goShu` tana'ye` yad a`psu vi kranda'sii u`rvaraa'su` bravai'te || {6}{025}{04}
na`hi tvaa` shuuro` na tu`ro na dhR^i`ShNur na tvaa' yo`dho manya'maano yu`yodha' |
indra` naki'Sh Tvaa` praty a'sty eShaaM` vishvaa' jaa`taany a`bhy asi` taani' || {6}{025}{05}
sa pa'tyata u`bhayo'r nR^i`mNam a`yor yadii' ve`dhasaH' sami`the hava'nte |
vR^i`tre vaa' ma`ho nR^i`vati` kShaye' vaa` vyaca'svantaa` yadi' vitanta`saite' || {6}{025}{06}
adha' smaa te carSha`Nayo` yad ejaa`n indra' traa`tota bha'vaa varuu`taa |
a`smaakaa'so` ye nR^ita'maaso a`rya indra' suu`rayo' dadhi`re pu`ro naH' || {6}{025}{07}
anu' te daayi ma`ha i'ndri`yaaya' sa`traa te` vishva`m anu' vR^itra`hatye' |
anu' kSha`tram anu` saho' yaja`trdra' de`vebhi`r anu' te nR^i`Shahye' || {6}{025}{08}
e`vaa na` spR^idhaH` sam a'jaa sa`matsv indra' raara`ndhi mi'tha`tiir ade'viiH |
vi`dyaama` vasto`r ava'saa gR^i`Nanto' bha`radvaa'jaa u`ta ta' indra nuu`nam || {6}{025}{09}


(467)
shru`dhii na' indra` hvayaa'masi tvaa ma`ho vaaja'sya saa`tau vaa'vR^iShaa`NaaH |
saM yad visho .a'yanta` shuura'saataa u`graM no .a'vaH` paarye` aha'n daaH || {6}{026}{01}
tvaaM vaa`jii ha'vate vaajine`yo ma`ho vaaja'sya` gadhya'sya saa`tau |
tvaaM vR^i`treShv i'ndra` satpa'tiM` taru'traM` tvaaM ca'ShTe muShTi`haa goShu` yudhya'n || {6}{026}{02}
tvaM ka`viM co'dayo .a`rkasaa'tau` tvaM kutsaa'ya` shuShNaM' daa`shuShe' vark |
tvaM shiro' ama`rmaNaH` paraa'hann atithi`gvaaya` shaMsyaM' kari`Shyan || {6}{026}{03}
tvaM ratha`m pra bha'ro yo`dham R^i`Shvam aavo` yudhya'ntaM vR^iSha`bhaM dasha'dyum |
tvaM tugraM' veta`save` sacaa'ha`n tvaM tujiM' gR^i`Nanta'm indra tuutoH || {6}{026}{04}
tvaM tad u`ktham i'ndra ba`rhaNaa' kaH` pra yac Cha`taa sa`hasraa' shuura` darShi' |
ava' gi`rer daasaM` shamba'raM ha`n praavo` divo'daasaM ci`traabhi'r uu`tii || {6}{026}{05}
tvaM shra`ddhaabhi'r mandasaa`naH somai'r da`bhiita'ye` cumu'rim indra siShvap |
tvaM ra`jim piThii'nase dasha`syan Sha`ShTiM sa`hasraa` shacyaa` sacaa'han || {6}{026}{06}
a`haM ca`na tat suu`ribhi'r aanashyaaM` tava` jyaaya' indra su`mnam ojaH' |
tvayaa` yat stava'nte sadhaviira vii`raas tri`varuu'tha` nahu'Shaa shaviShTha || {6}{026}{07}
va`yaM te' a`syaam i'ndra dyu`mnahuu'tau` sakhaa'yaH syaama mahina` preShThaaH' |
praata'rdaniH kShatra`shriir a'stu` shreShTho' gha`ne vR^i`traaNaaM' sa`naye` dhanaa'naam || {6}{026}{08}


(468)
kim a'sya` made` kim v a'sya pii`taav indraH` kim a'sya sa`khye ca'kaara |
raNaa' vaa` ye ni`Shadi` kiM te a'sya pu`raa vi'vidre` kim u` nuuta'naasaH || {6}{027}{01}
sad a'sya` made` sad v a'sya pii`taav indraH` sad a'sya sa`khye ca'kaara |
raNaa' vaa` ye ni`Shadi` sat te a'sya pu`raa vi'vidre` sad u` nuuta'naasaH || {6}{027}{02}
na`hi nu te' mahi`manaH' samasya` na ma'ghavan maghava`ttvasya' vi`dma |
na raadha'so-raadhaso` nuuta'na`sydra` naki'r dadR^isha indri`yaM te' || {6}{027}{03}
e`tat tyat ta' indri`yam a'ceti` yaava'dhiir va`rashi'khasya` sheShaH' |
vajra'sya` yat te` niha'tasya` shuShmaa't sva`naac ci'd indra para`mo da`daara' || {6}{027}{04}
vadhii`d indro' va`rashi'khasya` sheSho' .abhyaava`rtine' caayamaa`naaya` shikSha'n |
vR^i`ciiva'to` yad dha'riyuu`piiyaa'yaaM` han puurve` ardhe' bhi`yasaapa'ro` dart || {6}{027}{05}
triM`shacCha'taM va`rmiNa' indra saa`kaM ya`vyaava'tyaam puruhuuta shrava`syaa |
vR^i`ciiva'ntaH` shara've` patya'maanaaH` paatraa' bhindaa`naa nya`rthaany aa'yan || {6}{027}{06}
yasya` gaavaa'v aru`Shaa suu'yava`syuu a`ntar uu` Shu cara'to` reri'haaNaa |
sa sR^i~nja'yaaya tu`rvasha`m paraa'daad vR^i`ciiva'to daivavaa`taaya` shikSha'n || {6}{027}{07}
dva`yaam+ a'gne ra`thino' viMsha`tiM gaa va`dhuuma'to ma`ghavaa` mahyaM' sa`mraaT |
a`bhyaa`va`rtii caa'yamaa`no da'daati duu`Naashe`yaM dakShi'Naa paartha`vaanaa'm || {6}{027}{08}


(469)
aa gaavo' agmann u`ta bha`dram a'kra`n siida'ntu go`ShThe ra`Naya'ntv a`sme |
pra`jaava'tiiH puru`ruupaa' i`ha syu`r indraa'ya puu`rviir u`Shaso` duhaa'naaH || {6}{028}{01}
indro` yajva'ne pR^iNa`te ca' shikSha`ty uped da'daati` na svam mu'Shaayati |
bhuuyo'-bhuuyo ra`yim id a'sya va`rdhaya`nn abhi'nne khi`lye ni da'dhaati deva`yum || {6}{028}{02}
na taa na'shanti` na da'bhaati` taska'ro` naasaa'm aami`tro vyathi`r aa da'dharShati |
de`vaaMsh ca` yaabhi`r yaja'te` dadaa'ti ca` jyog it taabhiH' sacate` gopa'tiH sa`ha || {6}{028}{03}
na taa arvaa' re`Nuka'kaaTo ashnute` na saM'skR^ita`tram upa' yanti` taa a`bhi |
u`ru`gaa`yam abha'yaM` tasya` taa anu` gaavo` marta'sya` vi ca'ranti` yajva'naH || {6}{028}{04}
gaavo` bhago` gaava` indro' me acChaa`n gaavaH` soma'sya pratha`masya' bha`kShaH |
i`maa yaa gaavaH` sa ja'naasa` indra' i`cChaamiid dhR^i`daa mana'saa ci`d indra'm || {6}{028}{05}
yuu`yaM gaa'vo medayathaa kR^i`shaM ci'd ashrii`raM ci't kR^iNuthaa su`pratii'kam |
bha`draM gR^i`haM kR^i'Nutha bhadravaaco bR^i`had vo` vaya' ucyate sa`bhaasu' || {6}{028}{06}
pra`jaava'tiiH suu`yava'saM ri`shantiiH' shu`ddhaa a`paH su'prapaa`Ne piba'ntiiH |
maa va' ste`na ii'shata` maaghashaM'saH` pari' vo he`tii ru`drasya' vR^ijyaaH || {6}{028}{07}
upe`dam u'pa`parca'nam aa`su goShuupa' pR^icyataam |
upa' R^iSha`bhasya` reta`sy upe'ndra` tava' vii`rye || {6}{028}{08}


(470)
indraM' vo` naraH' sa`khyaaya' sepur ma`ho yantaH' suma`taye' cakaa`naaH |
ma`ho hi daa`taa vajra'hasto` asti' ma`haam u' ra`Nvam ava'se yajadhvam || {6}{029}{01}
aa yasmi`n haste` naryaa' mimi`kShur aa rathe' hira`Nyaye' rathe`ShThaaH |
aa ra`shmayo` gabha'styo sthuu`rayo`r aadhva`nn ashvaa'so` vR^iSha'No yujaa`naaH || {6}{029}{02}
shri`ye te` paadaa` duva` aa mi'mikShur dhR^i`ShNur va`jrii shava'saa` dakShi'Naavaan |
vasaa'no` atkaM' sura`bhiM dR^i`she kaM svakp r Na nR^i'tav iShi`ro ba'bhuutha || {6}{029}{03}
sa soma` aami'shlatamaH su`to bhuu`d yasmi'n pa`ktiH pa`cyate` santi' dhaa`naaH |
indraM` nara' stu`vanto' brahmakaa`raa u`kthaa shaMsa'nto de`vavaa'tatamaaH || {6}{029}{04}
na te` antaH` shava'so dhaayy a`sya vi tu baa'badhe` roda'sii mahi`tvaa |
aa taa suu`riH pR^i'Nati` tuutu'jaano yuu`thevaa`psu sa`miija'maana uu`tii || {6}{029}{05}
e`ved indraH' su`hava' R^i`Shvo a'stuu`tii anuu'tii hirishi`praH satvaa' |
e`vaa hi jaa`to asa'maatyojaaH pu`ruu ca' vR^i`traa ha'nati` ni dasyuu'n || {6}{029}{06}


(471)
bhuuya` id vaa'vR^idhe vii`ryaaya`m+ eko' aju`ryo da'yate` vasuu'ni |
pra ri'rice di`va indraH' pR^ithi`vyaa a`rdham id a'sya` prati` roda'sii u`bhe || {6}{030}{01}
adhaa' manye bR^i`had a'su`ryam asya` yaani' daa`dhaara` naki`r aa mi'naati |
di`ve-di've` suuryo' darsha`to bhuu`d vi sadmaa'ny urvi`yaa su`kratu'r dhaat || {6}{030}{02}
a`dyaa ci`n nuu ci`t tad apo' na`diinaaM` yad aa'bhyo` ara'do gaa`tum i'ndra |
ni parva'taa adma`sado` na se'du`s tvayaa' dR^i`Lhaani' sukrato` rajaaM'si || {6}{030}{03}
sa`tyam it tan na tvaavaa'm+ a`nyo a`stiindra' de`vo na martyo` jyaayaa'n |
aha`nn ahi'm pari`shayaa'na`m arNo .a'vaasR^ijo a`po acChaa' samu`dram || {6}{030}{04}
tvam a`po vi duro` viShuu'cii`r indra' dR^i`Lham a'rujaH` parva'tasya |
raajaa'bhavo` jaga'tash carShaNii`naaM saa`kaM suuryaM' ja`naya`n dyaam u`Shaasa'm || {6}{030}{05}


(472)
abhuu`r eko' rayipate rayii`Naam aa hasta'yor adhithaa indra kR^i`ShTiiH |
vi to`ke a`psu tana'ye ca` suure .a'vocanta carSha`Nayo` vivaa'caH || {6}{031}{01}
tvad bhi`ydra` paarthi'vaani` vishvaacyu'taa cic cyaavayante` rajaaM'si |
dyaavaa`kShaamaa` parva'taaso` vanaa'ni` vishvaM' dR^i`Lham bha'yate` ajma`nn aa te' || {6}{031}{02}
tvaM kutse'naa`bhi shuShNa'm indraa`shuShaM' yudhya` kuya'vaM` gavi'ShTau |
dasha' prapi`tve adha` suurya'sya muShaa`yash ca`kram avi've` rapaaM'si || {6}{031}{03}
tvaM sha`taany ava` shamba'rasya` puro' jaghanthaapra`tiini` dasyoH' |
ashi'kSho` yatra` shacyaa' shaciivo` divo'daasaaya sunva`te su'takre bha`radvaa'jaaya gR^iNa`te vasuu'ni || |
sa sa'tyasatvan maha`te raNaa'ya` ratha`m aa ti'ShTha tuvinR^imNa bhii`mam |
yaa`hi pra'pathi`nn ava`sopa' ma`drik pra ca' shruta shraavaya carSha`NibhyaH' || {6}{031}{05}

(473)
apuu'rvyaa puru`tamaa'ny asmai ma`he vii`raaya' ta`vase' tu`raaya' |
vi`ra`pshine' va`jriNe` shaMta'maani` vacaaM'sy aa`saa sthavi'raaya takSham || {6}{032}{01}
sa maa`taraa` suurye'Naa kavii`naam avaa'sayad ru`jad adriM' gR^iNaa`naH |
svaa`dhiibhi`r R^ikva'bhir vaavashaa`na ud u`sriyaa'Naam asR^ijan ni`daana'm || {6}{032}{02}
sa vahni'bhi`r R^ikva'bhi`r goShu` shashva'n mi`taj~nu'bhiH puru`kR^itvaa' jigaaya |
puraH' puro`haa sakhi'bhiH sakhii`yan dR^i`Lhaa ru'roja ka`vibhiH' ka`viH san || {6}{032}{03}
sa nii`vyaabhir jari`taara`m acChaa' ma`ho vaaje'bhir ma`hadbhi'sh ca` shuShmaiH' |
pu`ru`viiraa'bhir vR^iShabha kShitii`naam aa gi'rvaNaH suvi`taaya` pra yaa'hi || {6}{032}{04}
sa sarge'Na` shava'saa ta`kto atyai'r a`pa indro' dakShiNa`tas tu'raa`ShaaT |
i`tthaa sR^i'jaa`naa ana'paavR^i`d arthaM' di`ve-di've viviShur apramR^i`Shyam || {6}{032}{05}


(474)
ya oji'ShTha indra` taM su no' daa` mado' vR^iShan svabhi`ShTir daasvaa'n |
sauva'shvyaM` yo va`nava`t svashvo' vR^i`traa sa`matsu' saa`saha'd a`mitraa'n || {6}{033}{01}
tvaaM hiiKp ndraava'se` vivaa'co` hava'nte carSha`NayaH` shuura'saatau |
tvaM vipre'bhi`r vi pa`Niim+r a'shaaya`s tvota` it sani'taa` vaaja`m arvaa' || {6}{033}{02}
tvaM taam+ i'ndro`bhayaa'm+ a`mitraa`n daasaa' vR^i`traaNy aaryaa' ca shuura |
vadhii`r vane'va` sudhi'tebhi`r atkai`r aa pR^i`tsu da'rShi nR^i`NaaM nR^i'tama || {6}{033}{03}
sa tvaM na' i`ndraaka'vaabhir uu`tii sakhaa' vi`shvaayu'r avi`taa vR^i`dhe bhuuH' |
svarShaataa` yad dhvayaa'masi tvaa` yudhya'nto ne`madhi'taa pR^i`tsu shuu'ra || {6}{033}{04}
nuu`naM na' indraapa`raaya' ca syaa` bhavaa' mR^iLii`ka u`ta no' a`bhiShTau' |
i`tthaa gR^i`Nanto' ma`hina'sya` sharma'n di`vi Shyaa'ma` paarye' go`Shata'maaH || {6}{033}{05}


(475)
saM ca` tve ja`gmur gira' indra puu`rviir vi ca` tvad ya'nti vi`bhvo manii`ShaaH |
pu`raa nuu`naM ca' stu`taya` R^iShii'Naam paspR^i`dhra indre` adhy u'kthaa`rkaa || {6}{034}{01}
pu`ru`huu`to yaH pu'ruguu`rta R^ibhvaa`m+ ekaH' puruprasha`sto asti' ya`j~naiH |
ratho` na ma`he shava'se yujaa`no .a`smaabhi`r indro' anu`maadyo' bhuut || {6}{034}{02}
na yaM hiMsa'nti dhii`tayo` na vaaNii`r indraM` nakSha`ntiid a`bhi va`rdhaya'ntiiH |
yadi' sto`taaraH' sha`taM yat sa`hasraM' gR^i`Nanti` girva'NasaM` shaM tad a'smai || {6}{034}{03}
asmaa' e`tad di`vy akp rceva' maa`saa mi'mi`kSha indre` ny ayaami` somaH' |
janaM` na dhanva'nn a`bhi saM yad aapaH' sa`traa vaa'vR^idhu`r hava'naani ya`j~naiH || {6}{034}{04}
asmaa' e`tan mahy aa'~Nguu`Sham a'smaa` indraa'ya sto`tram ma`tibhi'r avaaci |
asa`d yathaa' maha`ti vR^i'tra`tuurya` indro' vi`shvaayu'r avi`taa vR^i`dhash ca' || {6}{034}{05}


(476)
ka`daa bhu'va`n ratha'kShayaaNi` brahma' ka`daa sto`tre sa'hasrapo`ShyaM daaH |
ka`daa stomaM' vaasayo .asya raa`yaa ka`daa dhiyaH' karasi` vaaja'ratnaaH || {6}{035}{01}
karhi' svi`t tad i'ndra` yan nR^ibhi`r nR^In vii`rair vii`raan nii`Layaa'se` jayaa`jiin |
tri`dhaatu` gaa adhi' jayaasi` goShv indra' dyu`mnaM svarvad dhehy a`sme || {6}{035}{02}
karhi' svi`t tad i'ndra` yaj ja'ri`tre vi`shvapsu` brahma' kR^i`NavaH' shaviShTha |
ka`daa dhiyo` na ni`yuto' yuvaase ka`daa goma'ghaa` hava'naani gacChaaH || {6}{035}{03}
sa goma'ghaa jari`tre ashva'shcandraa` vaaja'shravaso` adhi' dhehi` pR^ikShaH' |
pii`pi`hiiShaH' su`dughaa'm indra dhe`num bha`radvaa'jeShu su`ruco' rurucyaaH || {6}{035}{04}
tam aa nuu`naM vR^i`jana'm a`nyathaa' ci`c Chuuro` yac Cha'kra` vi duro' gR^iNii`She |
maa nir a'raM shukra`dugha'sya dhe`nor aa'~Ngira`saan brahma'Naa vipra jinva || {6}{035}{05}


(477)
sa`traa madaa'sa`s tava' vi`shvaja'nyaaH sa`traa raayo .a'dha` ye paarthi'vaasaH |
sa`traa vaajaa'naam abhavo vibha`ktaa yad de`veShu' dhaa`raya'thaa asu`ryam || {6}{036}{01}
anu` pra ye'je` jana` ojo' asya sa`traa da'dhire` anu' vii`ryaaya |
syuu`ma`gR^ibhe` dudha`ye .a'rvate ca` kratuM' vR^i~nja`nty api' vR^itra`hatye' || {6}{036}{02}
taM sa`dhriicii'r uu`tayo` vR^iShNyaa'ni` pauMsyaa'ni ni`yutaH' sashcu`r indra'm |
sa`mu`draM na sindha'va u`kthashu'Shmaa uru`vyaca'saM` gira` aa vi'shanti || {6}{036}{03}
sa raa`yas khaam upa' sR^ijaa gR^iNaa`naH pu'rushca`ndrasya` tvam i'ndra` vasvaH' |
pati'r babhuu`thaasa'mo` janaa'naa`m eko` vishva'sya` bhuva'nasya` raajaa' || {6}{036}{04}
sa tu shru'dhi` shrutyaa` yo du'vo`yur dyaur na bhuumaa`bhi raayo' a`ryaH |
aso` yathaa' naH` shava'saa cakaa`no yu`ge-yu'ge` vaya'saa` ceki'taanaH || {6}{036}{05}


(478)
a`rvaag rathaM' vi`shvavaa'raM ta u`grdra' yu`ktaaso` hara'yo vahantu |
kii`rish ci`d dhi tvaa` hava'te` svarvaan R^idhii`mahi' sadha`maada's te a`dya || {6}{037}{01}
pro droNe` hara'yaH` karmaa'gman punaa`naasa` R^ijya'nto abhuuvan |
indro' no a`sya puu`rvyaH pa'piiyaad dyu`kSho mada'sya so`myasya` raajaa' || {6}{037}{02}
aa`sa`sraa`NaasaH' shavasaa`nam acChdraM' suca`kre ra`thyaaso` ashvaaH' |
a`bhi shrava` R^ijya'nto vaheyu`r nuu ci`n nu vaa`yor a`mR^itaM` vi da'syet || {6}{037}{03}
vari'ShTho asya` dakShi'Naam iya`rtiindro' ma`ghonaaM' tuvikuu`rmita'maH |
yayaa' vajrivaH pari`yaasy aMho' ma`ghaa ca' dhR^iShNo` daya'se` vi suu`riin || {6}{037}{04}
indro` vaaja'sya` sthavi'rasya daa`tdro' gii`rbhir va'rdhataaM vR^i`ddhama'haaH |
indro' vR^i`traM hani'ShTho astu` satvaa taa suu`riH pR^i'Nati` tuutu'jaanaH || {6}{037}{05}


(479)
apaa'd i`ta ud u' nash ci`trata'mo ma`hiim bha'rShad dyu`matii`m indra'huutim |
panya'siiM dhii`tiM daivya'sya` yaama`~n jana'sya raa`tiM va'nate su`daanuH' || {6}{038}{01}
duu`raac ci`d aa va'sato asya` karNaa` ghoShaa`d indra'sya tanyati bruvaa`NaH |
eyam e'naM de`vahuu'tir vavR^ityaan ma`dryakp g indra'm i`yam R^i`cyamaa'naa || {6}{038}{02}
taM vo' dhi`yaa pa'ra`mayaa' puraa`jaam a`jara`m indra'm a`bhy anuuShy a`rkaiH |
brahmaa' ca` giro' dadhi`re sam a'smin ma`haaMsh ca` stomo` adhi' vardha`d indre' || {6}{038}{03}
vardhaa`d yaM ya`j~na u`ta soma` indraM` vardhaa`d brahma` gira' u`kthaa ca` manma' |
vardhaahai'nam u`Shaso` yaama'nn a`ktor vardhaa`n maasaaH' sha`rado` dyaava` indra'm || {6}{038}{04}
e`vaa ja'j~naa`naM saha'se` asaa'mi vaavR^idhaa`naM raadha'se ca shru`taaya' |
ma`haam u`gram ava'se vipra nuu`nam aa vi'vaasema vR^itra`tuurye'Shu || {6}{038}{05}


(480)
ma`ndrasya' ka`ver di`vyasya` vahne`r vipra'manmano vaca`nasya` madhvaH' |
apaa' na`s tasya' saca`nasya' de`veSho' yuvasva gR^iNa`te goa'graaH || {6}{039}{01}
a`yam u'shaa`naH pary adri'm u`sraa R^i`tadhii'tibhir R^ita`yug yu'jaa`naH |
ru`jad aru'gNaM` vi va`lasya` saanu'm pa`Niim+r vaco'bhir a`bhi yo'dha`d indraH' || {6}{039}{02}
a`yaM dyo'tayad a`dyuto` vy akp ktuun do`Shaa vastoH' sha`rada` indu'r indra |
i`maM ke`tum a'dadhu`r nuu ci`d ahnaaM` shuci'janmana u`Shasa'sh cakaara || {6}{039}{03}
a`yaM ro'cayad a`ruco' rucaa`no .a`yaM vaa'saya`d vy R^ikp ta' puu`rviiH |
a`yam ii'yata R^ita`yugbhi`r ashvaiH' sva`rvidaa` naabhi'naa carShaNi`praaH || {6}{039}{04}
nuu gR^i'Naa`no gR^i'Na`te pra'tna raaja`nn iShaH' pinva vasu`deyaa'ya puu`rviiH |
a`pa oSha'dhiir avi`Shaa vanaa'ni` gaa arva'to` nR^In R^i`case' ririihi || {6}{039}{05}


(481)
indra` piba` tubhyaM' su`to madaa`yaava' sya` harii` vi mu'caa` sakhaa'yaa |
u`ta pra gaa'ya ga`Na aa ni`Shadyaathaa' ya`j~naaya' gR^iNa`te vayo' dhaaH || {6}{040}{01}
asya' piba` yasya' jaj~naa`na i'ndra` madaa'ya` kratve` api'bo virapshin |
tam u' te` gaavo` nara` aapo` adri`r induM` sam a'hyan pii`taye` sam a'smai || {6}{040}{02}
sami'ddhe a`gnau su`ta i'ndra` soma` aa tvaa' vahantu` hara'yo` vahi'ShThaaH |
tvaa`ya`taa mana'saa johavii`miindraa yaa'hi suvi`taaya' ma`he naH' || {6}{040}{03}
aa yaa'hi` shashva'd usha`taa ya'yaa`thdra' ma`haa mana'saa soma`peya'm |
upa` brahmaa'Ni shR^iNava i`maa no .a'thaa te ya`j~nas ta`nveKp vayo' dhaat || {6}{040}{04}
yad i'ndra di`vi paarye` yad R^idha`g yad vaa` sve sada'ne` yatra` vaasi' |
ato' no ya`j~nam ava'se ni`yutvaa'n sa`joShaaH' paahi girvaNo ma`rudbhiH' || {6}{040}{05}


(482)
ahe'Lamaana` upa' yaahi ya`j~naM tubhya'm pavanta` inda'vaH su`taasaH' |
gaavo` na va'jri`n svam oko` acChdraa ga'hi pratha`mo ya`j~niyaa'naam || {6}{041}{01}
yaa te' kaa`kut sukR^i'taa` yaa vari'ShThaa` yayaa` shashva`t piba'si` madhva' uu`rmim |
tayaa' paahi` pra te' adhva`ryur a'sthaa`t saM te` vajro' vartataam indra ga`vyuH || {6}{041}{02}
e`Sha dra`pso vR^i'Sha`bho vi`shvaruu'pa` indraa'ya` vR^iShNe` sam a'kaari` somaH' |
e`tam pi'ba hariva sthaatar ugra` yasyeshi'She pra`divi` yas te` anna'm || {6}{041}{03}
su`taH somo` asu'taad indra` vasyaa'n a`yaM shreyaa'~n ciki`tuShe` raNaa'ya |
e`taM ti'tirva` upa' yaahi ya`j~naM ta` vishvaa`s tavi'Shii`r aa pR^i'Nasva || {6}{041}{04}
hvayaa'masi` tvdra' yaahy a`rvaa~N araM' te` soma's ta`nve bhavaati |
shata'krato maa`daya'svaa su`teShu` praasmaam+ a'va` pR^ita'naasu` pra vi`kShu || {6}{041}{05}


(483)
praty a'smai` pipii'Shate` vishvaa'ni vi`duShe' bhara |
a`raM`ga`maaya` jagma`ye .a'pashcaaddaghvane` nare' || {6}{042}{01}
em e'nam pra`tyeta'na` some'bhiH soma`paata'mam |
ama'trebhir R^ijii`ShiNa`m indraM' su`tebhi`r indu'bhiH || {6}{042}{02}
yadii' su`tebhi`r indu'bhiH` some'bhiH prati`bhuuSha'tha |
vedaa` vishva'sya` medhi'ro dhR^i`Shat taM-ta`m id eSha'te || {6}{042}{03}
a`smaa-a'smaa` id andha`so .a'dhvaryo` pra bha'raa su`tam |
ku`vit sa'masya` jya'sya` shardha'to .a`bhisha'ster ava`spara't || {6}{042}{04}


(484)
yasya` tyac Chamba'ra`m made` divo'daasaaya ra`ndhayaH' |
a`yaM sa soma' indra te su`taH piba' || {6}{043}{01}
yasya' tiivra`suta`m mada`m madhya`m antaM' ca` rakSha'se |
a`yaM sa soma' indra te su`taH piba' || {6}{043}{02}
yasya` gaa a`ntar ashma'no` made' dR^i`Lhaa a`vaasR^i'jaH |
a`yaM sa soma' indra te su`taH piba' || {6}{043}{03}
yasya' mandaa`no andha'so` maagho'naM dadhi`She shavaH' |
a`yaM sa soma' indra te su`taH piba' || {6}{043}{04}


(485)
yo ra'yivo ra`yiMta'mo` yo dyu`mnair dyu`mnava'ttamaH |
somaH' su`taH sa i'ndra` te .a'sti svadhaapate` madaH' || {6}{044}{01}
yaH sha`gmas tu'vishagma te raa`yo daa`maa ma'tii`naam |
somaH' su`taH sa i'ndra` te .a'sti svadhaapate` madaH' || {6}{044}{02}
ya' vR^i`ddho na shava'saa tu`ro na svaabhi'r uu`tibhiH' |
somaH' su`taH sa i'ndra` te .a'sti svadhaapate` madaH' || {6}{044}{03}
tyam u' vo` apra'haNaM gR^iNii`She shava'sa`s pati'm |
indraM' vishvaa`saahaM` nara`m maMhi'ShThaM vi`shvaca'rShaNim || {6}{044}{04}
yaM va`rdhaya`ntiid giraH` patiM' tu`rasya` raadha'saH |
tam in nv asya` roda'sii de`vii shuShmaM' saparyataH || {6}{044}{05}
tad va' u`kthasya' ba`rhaNdraa'yopastR^iNii`ShaNi' |
vipo` na yasyo`tayo` vi yad roha'nti sa`kShitaH' || {6}{044}{06}
avi'da`d dakSha'm mi`tro navii'yaan papaa`no de`vebhyo` vasyo' acait |
sa`sa`vaan stau`laabhi'r dhau`tarii'bhir uru`Shyaa paa`yur a'bhava`t sakhi'bhyaH || {6}{044}{07}
R^i`tasya' pa`thi ve`dhaa a'paayi shri`ye manaaM'si de`vaaso' akran |
dadhaa'no` naama' ma`ho vaco'bhi`r vapu'r dR^i`shaye' ve`nyo vy aavaH || {6}{044}{08}
dyu`matta'maM` dakShaM' dhehy a`sme sedhaa` janaa'naam puu`rviir araa'tiiH |
varShii'yo` vayaH' kR^iNuhi` shacii'bhi`r dhana'sya saa`taav a`smaam+ a'viDDhi || {6}{044}{09}
indra` tubhya`m in ma'ghavann abhuuma va`yaM daa`tre ha'rivo` maa vi ve'naH |
naki'r aa`pir da'dR^ishe martya`traa kim a`~Nga ra'dhra`coda'naM tvaahuH || {6}{044}{10}
maa jasva'ne vR^iShabha no rariithaa` maa te' re`vataH' sa`khye ri'Shaama |
puu`rviiSh Ta' indra ni`ShShidho` jane'Shu ja`hy asu'Shvii`n pra vR^i`haapR^i'NataH || {6}{044}{11}
ud a`bhraaNii'va sta`naya'nn iya`rtiindro` raadhaaM`sy ashvyaa'ni` gavyaa' |
tvam a'si pra`divaH' kaa`rudhaa'yaa` maa tvaa'daa`maana` aa da'bhan ma`ghonaH' || {6}{044}{12}
adhva'ryo viira` pra ma`he su`taanaa`m indraa'ya bhara` sa hy asya` raajaa' |
yaH puu`rvyaabhi'r u`ta nuuta'naabhir gii`rbhir vaa'vR^i`dhe gR^i'Na`taam R^iShii'Naam || {6}{044}{13}
a`sya made' pu`ru varpaaM'si vi`dvaan indro' vR^i`traaNy a'pra`tii ja'ghaana |
tam u` pra ho'Shi` madhu'mantam asmai` somaM' vii`raaya' shi`priNe` piba'dhyai || {6}{044}{14}
paataa' su`tam indro' astu` somaM` hantaa' vR^i`traM vajre'Na mandasaa`naH |
gantaa' ya`j~nam pa'raa`vata'sh ci`d acChaa` vasu'r dhii`naam a'vi`taa kaa`rudhaa'yaaH || {6}{044}{15}
i`daM tyat paatra'm indra`paana`m indra'sya pri`yam a`mR^ita'm apaayi |
matsa`d yathaa' saumana`saaya' de`vaM vy akp smad dveSho' yu`yava`d vy aMhaH' || {6}{044}{16}
e`naa ma'ndaa`no ja`hi shuu'ra` shatruu'~n jaa`mim ajaa'mim maghavann a`mitraa'n |
a`bhi`She`Naam+ a`bhy aaKp dedi'shaanaa`n paraa'ca indra` pra mR^i'Naa ja`hii ca' || {6}{044}{17}
aa`su Shmaa' No maghavann indra pR^i`tsv akp smabhya`m mahi` vari'vaH su`gaM kaH' |
a`paaM to`kasya` tana'yasya je`Sha indra' suu`riin kR^i'Nu`hi smaa' no a`rdham || {6}{044}{18}
aa tvaa` hara'yo` vR^iSha'No yujaa`naa vR^iSha'rathaaso` vR^iSha'rashma`yo .a'tyaaH |
a`sma`traa~nco` vR^iSha'No vajra`vaaho` vR^iShNe` madaa'ya su`yujo' vahantu || {6}{044}{19}
aa te' vR^iSha`n vR^iSha'No` droNa'm asthur ghR^ita`pruSho` normayo` mada'ntaH |
indra` pra tubhyaM` vR^iSha'bhiH su`taanaaM` vR^iShNe' bharanti vR^iSha`bhaaya` soma'm || {6}{044}{20}
vR^iShaa'si di`vo vR^i'Sha`bhaH pR^i'thi`vyaa vR^iShaa` sindhuu'naaM vR^iSha`bha stiyaa'naam |
vR^iShNe' ta` indu'r vR^iShabha piipaaya svaa`duu raso' madhu`peyo` varaa'ya || {6}{044}{21}
a`yaM de`vaH saha'saa` jaaya'maana` indre'Na yu`jaa pa`Nim a'stabhaayat |
a`yaM svasya' pi`tur aayu'dhaa`niindu'r amuShNaa`d ashi'vasya maa`yaaH || {6}{044}{22}
a`yam a'kR^iNod u`ShasaH' su`patnii'r a`yaM suurye' adadhaa`j jyoti'r a`ntaH |
a`yaM tri`dhaatu' di`vi ro'ca`neShu' tri`teShu' vindad a`mR^itaM` niguu'Lham || {6}{044}{23}
a`yaM dyaavaa'pR^ithi`vii vi Shka'bhaayad a`yaM ratha'm ayunak sa`ptara'shmim |
a`yaM goShu` shacyaa' pa`kvam a`ntaH somo' daadhaara` dasha'yantra`m utsa'm || {6}{044}{24}


(486)
ya aana'yat paraa`vataH` sunii'tii tu`rvashaM` yadu'm |
indraH` sa no` yuvaa` sakhaa' || {6}{045}{01}
a`vi`pre ci`d vayo` dadha'd anaa`shunaa' ci`d arva'taa |
indro` jetaa' hi`taM dhana'm || {6}{045}{02}
ma`hiir a'sya` praNii'tayaH puu`rviir u`ta prasha'stayaH |
naasya' kShiiyanta uu`tayaH' || {6}{045}{03}
sakhaa'yo` brahma'vaaha`se .a'rcata` pra ca' gaayata |
sa hi naH` prama'tir ma`hii || {6}{045}{04}
tvam eka'sya vR^itrahann avi`taa dvayo'r asi |
u`tedR^ishe` yathaa' va`yam || {6}{045}{05}
naya`siid v ati` dviShaH' kR^i`NoShy u'kthashaM`sinaH' |
nR^ibhiH' su`viira' ucyase || {6}{045}{06}
bra`hmaaNa`m brahma'vaahasaM gii`rbhiH sakhaa'yam R^i`gmiya'm |
gaaM na do`hase' huve || |
yasya` vishvaa'ni` hasta'yor uu`cur vasuu'ni` ni dvi`taa |
vii`rasya' pR^itanaa`ShahaH' || {6}{045}{08}
vi dR^i`Lhaani' cid adrivo` janaa'naaM shaciipate |
vR^i`ha maa`yaa a'naanata || {6}{045}{09}
tam u' tvaa satya somapaa` indra' vaajaanaam pate |
ahuu'mahi shrava`syavaH' || {6}{045}{10}
tam u' tvaa` yaH pu`raasi'tha` yo vaa' nuu`naM hi`te dhane' |
havyaH` sa shru'dhii` hava'm || {6}{045}{11}
dhii`bhir arva'dbhi`r arva'to` vaajaa'm+ indra shra`vaayyaa'n |
tvayaa' jeShma hi`taM dhana'm || {6}{045}{12}
abhuu'r u viira girvaNo ma`haam+ i'ndra` dhane' hi`te |
bhare' vitanta`saayyaH' || {6}{045}{13}
yaa ta' uu`tir a'mitrahan ma`kShuuja'vasta`maasa'ti |
tayaa' no hinuhii` ratha'm || {6}{045}{14}
sa rathe'na ra`thiita'mo .a`smaake'naabhi`yugva'naa |
jeShi' jiShNo hi`taM dhana'm || {6}{045}{15}
ya eka` it tam u' ShTuhi kR^iShTii`naaM vica'rShaNiH |
pati'r ja`j~ne vR^iSha'kratuH || {6}{045}{16}
yo gR^i'Na`taam id aasi'thaa`pir uu`tii shi`vaH sakhaa' |
sa tvaM na' indra mR^iLaya || {6}{045}{17}
dhi`Shva vajraM` gabha'styo rakSho`hatyaa'ya vajrivaH |
saa`sa`hii`ShThaa a`bhi spR^idhaH' || {6}{045}{18}
pra`tnaM ra'yii`NaaM yujaM` sakhaa'yaM kiiri`coda'nam |
brahma'vaahastamaM huve || {6}{045}{19}
sa hi vishvaa'ni` paarthi'vaa`m+ eko` vasuu'ni` patya'te |
girva'Nastamo` adhri'guH || {6}{045}{20}
sa no' ni`yudbhi`r aa pR^i'Na` kaamaM` vaaje'bhir a`shvibhiH' |
goma'dbhir gopate dhR^i`Shat || {6}{045}{21}
tad vo' gaaya su`te sacaa' puruhuu`taaya` satva'ne |
shaM yad gave` na shaa`kine' || {6}{045}{22}
na ghaa` vasu`r ni ya'mate daa`naM vaaja'sya` goma'taH |
yat sii`m upa` shrava`d giraH' || {6}{045}{23}
ku`vitsa'sya` pra hi vra`jaM goma'ntaM dasyu`haa gama't |
shacii'bhi`r apa' no varat || {6}{045}{24}
i`maa u' tvaa shatakrato .a`bhi pra No'nuvu`r giraH' |
indra' va`tsaM na maa`taraH' || {6}{045}{25}
duu`NaashaM' sa`khyaM tava` gaur a'si viira gavya`te |
ashvo' ashvaaya`te bha'va || {6}{045}{26}
sa ma'ndasvaa` hy andha'so` raadha'se ta`nvaa ma`he |
na sto`taaraM' ni`de ka'raH || {6}{045}{27}
i`maa u' tvaa su`te-su'te` nakSha'nte girvaNo` giraH' |
va`tsaM gaavo` na dhe`navaH' || {6}{045}{28}
pu`ruu`tama'm puruu`NaaM sto'tR^I`NaaM vivaa'ci |
vaaje'bhir vaajaya`taam || {6}{045}{29}
a`smaaka'm indra bhuutu te` stomo` vaahi'ShTho` anta'maH |
a`smaan raa`ye ma`he hi'nu || {6}{045}{30}
adhi' bR^i`buH pa'Nii`naaM varShi'ShThe muu`rdhann a'sthaat |
u`ruH kakSho` na gaa`~NgyaH || {6}{045}{31}
yasya' vaa`yor i'va dra`vad bha`draa raa`tiH sa'ha`sriNii' |
sa`dyo daa`naaya` maMha'te || {6}{045}{32}
tat su no` vishve' a`rya aa sadaa' gR^iNanti kaa`ravaH' |
bR^i`buM sa'hasra`daata'maM suu`riM sa'hasra`saata'mam || {6}{045}{33}


(487)
tvaam id dhi havaa'mahe saa`taa vaaja'sya kaa`ravaH' |
tvaaM vR^i`treShv i'ndra` satpa'tiM` nara`s tvaaM kaaShThaa`sv arva'taH || {6}{046}{01}
sa tvaM na'sh citra vajrahasta dhR^iShNu`yaa ma`ha sta'vaa`no a'drivaH |
gaam ashvaM' ra`thyam indra` saM ki'ra sa`traa vaajaM` na ji`gyuShe' || {6}{046}{02}
yaH sa'traa`haa vica'rShaNi`r indraM` taM huu'mahe va`yam |
saha'sramuShka` tuvi'nR^imNa` satpa'te` bhavaa' sa`matsu' no vR^i`dhe || {6}{046}{03}
baadha'se` janaa'n vR^iSha`bheva' ma`nyunaa` ghR^iShau' mii`Lha R^i'ciiShama |
a`smaaka'm bodhy avi`taa ma'haadha`ne ta`nuuShv a`psu suurye' || {6}{046}{04}
indra` jyeShThaM' na` aa bha'ra`m+ oji'ShTha`m papu'ri` shravaH' |
ye`me ci'tra vajrahasta` roda'sii` obhe su'shipra` praaH || {6}{046}{05}
tvaam u`gram ava'se carShaNii`sahaM` raaja'n de`veShu' huumahe |
vishvaa` su no' vithu`raa pi'bda`naa va'so .a`mitraa'n su`Shahaa'n kR^idhi || {6}{046}{06}
yad i'ndra` naahu'Shii`Shv aam+ ojo' nR^i`mNaM ca' kR^i`ShTiShu' |
yad vaa` pa~nca' kShitii`naaM dyu`mnam aa bha'ra sa`traa vishvaa'ni` pauMsyaa' || {6}{046}{07}
yad vaa' tR^i`kShau ma'ghavan dru`hyaav aa jane` yat puu`rau kac ca` vR^iShNya'm |
a`smabhyaM` tad ri'riihi` saM nR^i`Shaahye' .a`mitraa'n pR^i`tsu tu`rvaNe' || {6}{046}{08}
indra' tri`dhaatu' shara`NaM tri`varuu'thaM svasti`mat |
Cha`rdir ya'cCha ma`ghava'dbhyash ca` mahyaM' ca yaa`vayaa' di`dyum e'bhyaH || {6}{046}{09}
ye ga'vya`taa mana'saa` shatru'm aada`bhur a'bhipra`ghnanti' dhR^iShNu`yaa |
adha' smaa no maghavann indra girvaNas tanuu`paa anta'mo bhava || {6}{046}{10}
adha' smaa no vR^i`dhe bha`vdra' naa`yam a'vaa yu`dhi |
yad a`ntari'kShe pa`taya'nti pa`rNino' di`dyava's ti`gmamuu'rdhaanaH || {6}{046}{11}
yatra` shuuraa'sas ta`nvo vitanva`te pri`yaa sharma' pitR^I`Naam |
adha' smaa yacCha ta`nveKp tane' ca Cha`rdir a`cittaM' yaa`vaya` dveShaH' || {6}{046}{12}
yad i'ndra` sarge` arva'tash co`dayaa'se mahaadha`ne |
a`sa`ma`ne adhva'ni vR^iji`ne pa`thi shye`naam+ i'va shravasya`taH || {6}{046}{13}
sindhuu'm+r iva prava`Na aa'shu`yaa ya`to yadi` klosha`m anu` ShvaNi' |
aa ye vayo` na varvR^i'ta`ty aami'Shi gR^ibhii`taa baa`hvor gavi' || {6}{046}{14}


(488)
svaa`duSh kilaa`yam madhu'maam+ u`taayaM tii`vraH kilaa`yaM rasa'vaam+ u`taayam |
u`to nv akp sya pa'pi`vaaMsa`m indraM` na kash ca`na sa'hata aaha`veShu' || {6}{047}{01}
a`yaM svaa`dur i`ha madi'ShTha aasa` yasydro' vR^itra`hatye' ma`maada' |
pu`ruuNi` yash cyau`tnaa shamba'rasya` vi na'va`tiM nava' ca de`hyoKp han || {6}{047}{02}
a`yam me' pii`ta ud i'yarti` vaaca'm a`yam ma'nii`Shaam u'sha`tiim a'jiigaH |
a`yaM ShaL u`rviir a'mimiita` dhiiro` na yaabhyo` bhuva'naM` kac ca`naare || {6}{047}{03}
a`yaM sa yo va'ri`maaNa'm pR^ithi`vyaa va`rShmaaNaM' di`vo akR^i'Nod a`yaM saH |
a`yam pii`yuuShaM' ti`sR^iShu' pra`vatsu` somo' daadhaaro`rv akp ntari'kSham || {6}{047}{04}
a`yaM vi'dac citra`dR^ishii'ka`m arNaH' shu`krasa'dmanaam u`Shasaa`m anii'ke |
a`yam ma`haan ma'ha`taa skambha'ne`nod dyaam a'stabhnaad vR^iSha`bho ma`rutvaa'n || {6}{047}{05}
dhR^i`Shat pi'ba ka`lashe` soma'm indra vR^itra`haa shuu'ra sama`re vasuu'naam |
maadhyaM'dine` sava'na` aa vR^i'Shasva rayi`sthaano' ra`yim a`smaasu' dhehi || {6}{047}{06}
indra` pra NaH' purae`teva' pashya` pra no' naya prata`raM vasyo` acCha' |
bhavaa' supaa`ro a'tipaara`yo no` bhavaa` sunii'tir u`ta vaa`manii'tiH || {6}{047}{07}
u`ruM no' lo`kam anu' neShi vi`dvaan svarva`j jyoti`r abha'yaM sva`sti |
R^i`Shvaa ta' indra` sthavi'rasya baa`huu upa' stheyaama shara`Naa bR^i`hantaa' || {6}{047}{08}
vari'ShThe na indra va`ndhure' dhaa` vahi'ShThayoH shataava`nn ashva'yo`r aa |
iSha`m aa va'kShii`ShaaM varShi'ShThaa`m maa na's taariin maghava`n raayo' a`ryaH || {6}{047}{09}
indra' mR^i`La mahyaM' jii`vaatu'm icCha co`daya` dhiya`m aya'so` na dhaaraa'm |
yat kiM caa`haM tvaa`yur i`daM vadaa'mi` taj ju'Shasva kR^i`dhi maa' de`vava'ntam || {6}{047}{10}
traa`taara`m indra'm avi`taara`m indraM` have'-have su`havaM` shuura`m indra'm |
hvayaa'mi sha`kram pu'ruhuu`tam indraM' sva`sti no' ma`ghavaa' dhaa`tv indraH' || {6}{047}{11}
indraH' su`traamaa` svavaa`m+ avo'bhiH sumR^iLii`ko bha'vatu vi`shvave'daaH |
baadha'taaM` dveSho` abha'yaM kR^iNotu su`viirya'sya` pata'yaH syaama || {6}{047}{12}
tasya' va`yaM su'ma`tau ya`j~niya`syaapi' bha`dre sau'mana`se syaa'ma |
sa su`traamaa` svavaa`m+ indro' a`sme aa`raac ci`d dveShaH' sanu`tar yu'yotu || {6}{047}{13}
ava` tve i'ndra pra`vato` normir giro` brahmaa'Ni ni`yuto' dhavante |
u`ruu na raadhaH` sava'naa pu`ruuNy a`po gaa va'jrin yuvase` sam induu'n || {6}{047}{14}
ka iiM' stava`t kaH pR^i'Naa`t ko ya'jaate` yad u`gram in ma`ghavaa' vi`shvahaave't |
paadaa'v iva pra`hara'nn a`nyam-a'nyaM kR^i`Noti` puurva`m apa'raM` shacii'bhiH || {6}{047}{15}
shR^i`Nve vii`ra u`gram-u'graM damaa`yann a`nyam-a'nyam atinii`yamaa'naH |
e`dha`maa`na`dviL u`bhaya'sya` raajaa' coShkuu`yate` visha` indro' manu`Shyaan || {6}{047}{16}
paraa` puurve'ShaaM sa`khyaa vR^i'Nakti vi`tartu'raaNo` apa'rebhir eti |
anaa'nubhuutiir avadhuunvaa`naH puu`rviir indraH' sha`rada's tartariiti || {6}{047}{17}
ruu`paM-ruu'pa`m prati'ruupo babhuuva` tad a'sya ruu`pam pra'ti`cakSha'Naaya |
indro' maa`yaabhiH' puru`ruupa' iiyate yu`ktaa hy asya` hara'yaH sha`taa dasha' || {6}{047}{18}
yu`jaa`no ha`ritaa` rathe` bhuuri` tvaShTe`ha raa'jati |
ko vi`shvaahaa' dviSha`taH pakSha' aasata u`taasii'neShu suu`riShu' || {6}{047}{19}
a`ga`vyuu`ti kShetra`m aaga'nma devaa u`rvii sa`tii bhuumi'r aMhuura`Naabhuu't |
bR^iha'spate` pra ci'kitsaa` gavi'ShTaav i`tthaa sa`te ja'ri`tra i'ndra` panthaa'm || {6}{047}{20}
di`ve-di've sa`dR^ishii'r a`nyam ardhaM' kR^i`ShNaa a'sedha`d apa` sadma'no` jaaH |
aha'n daa`saa vR^i'Sha`bho va'sna`yanto`davra'je va`rcinaM` shamba'raM ca || {6}{047}{21}
pra`sto`ka in nu raadha'sas ta indra` dasha` kosha'yii`r dasha' vaa`jino' .adaat |
divo'daasaad atithi`gvasya` raadhaH' shaamba`raM vasu` praty a'grabhiiShma || {6}{047}{22}
dashaashvaa`n dasha` koshaa`n dasha` vastraadhi'bhojanaa |
dasho' hiraNyapi`NDaan divo'daasaad asaaniSham || {6}{047}{23}
dasha` rathaa`n praShTi'mataH sha`taM gaa atha'rvabhyaH |
a`shva`thaH paa`yave' .adaat || {6}{047}{24}
mahi` raadho' vi`shvaja'nyaM` dadhaa'naan bha`radvaa'jaan saar~nja`yo a`bhy ayaShTa || {6}{047}{25}
vana'spate vii`Dva~Ngo` hi bhuu`yaa a`smatsa'khaa pra`tara'NaH su`viiraH' |
gobhiH` saMna'ddho asi vii`Laya'svaasthaa`taa te' jayatu` jetvaa'ni || {6}{047}{26}
di`vas pR^i'thi`vyaaH pary oja` udbhR^i'taM` vana`spati'bhyaH` pary aabhR^i'taM` sahaH' |
a`paam o`jmaana`m pari` gobhi`r aavR^i'ta`m indra'sya` vajraM' ha`viShaa` rathaM' yaja || {6}{047}{27}
indra'sya` vajro' ma`rutaa`m anii'kam mi`trasya` garbho` varu'Nasya` naabhiH' |
semaaM no' ha`vyadaa'tiM juShaa`No deva' ratha` prati' ha`vyaa gR^i'bhaaya || {6}{047}{28}
upa' shvaasaya pR^ithi`viim u`ta dyaam pu'ru`traa te' manutaaM` viShThi'taM` jaga't |
sa du'ndubhe sa`juur indre'Na de`vair duu`raad davii'yo` apa' sedha` shatruu'n || {6}{047}{29}
aa kra'ndaya` bala`m ojo' na` aa dhaa` ni ShTa'nihi duri`taa baadha'maanaH |
apa' protha dundubhe du`cChunaa' i`ta indra'sya mu`ShTir a'si vii`Laya'sva || {6}{047}{30}
aamuur a'ja pra`tyaava'rtaye`maaH ke'tu`mad du'ndu`bhir vaa'vadiiti |
sam ashva'parNaa`sh cara'nti no` naro' .a`smaaka'm indra ra`thino' jayantu || {6}{047}{31}


(489)
ya`j~naa-ya'j~naa vo a`gnaye' gi`raa-gi'raa ca` dakSha'se |
pra-pra' va`yam a`mR^itaM' jaa`tave'dasam pri`yam mi`traM na shaM'siSham || {6}{048}{01}
uu`rjo napaa'taM` sa hi`naayam a'sma`yur daashe'ma ha`vyadaa'taye |
bhuva`d vaaje'Shv avi`taa bhuva'd vR^i`dha u`ta traa`taa ta`nuunaa'm || {6}{048}{02}
vR^iShaa` hy agne a`jaro' ma`haan vi`bhaasy a`rciShaa' |
aja'sra sho`ciShaa` shoshu'cac Chuce sudii`tibhiH` su dii'dihi || {6}{048}{03}
ma`ho de`vaan yaja'si` yakShy aa'nu`Shak tava` kratvo`ta daM`sanaa' |
a`rvaacaH' siiM kR^iNuhy a`gne .a'vase` raasva` vaajo`ta vaM'sva || {6}{048}{04}
yam aapo` adra'yo` vanaa` garbha'm R^i`tasya` pipra'ti |
saha'saa` yo ma'thi`to jaaya'te` nR^ibhiH' pR^ithi`vyaa adhi` saana'vi || {6}{048}{05}
aa yaH pa`prau bhaa`nunaa` roda'sii u`bhe dhuu`ma' dhaavate di`vi |
ti`ras tamo' dadR^isha` uurmyaa`sv aa shyaa`vaasv a'ru`Sho vR^iShaa shyaa`vaa a'ru`Sho vR^iShaa' || {6}{048}{06}
bR^i`hadbhi'r agne a`rcibhiH' shu`kra' deva sho`ciShaa' |
bha`radvaa'je samidhaa`no ya'viShThya re`van naH' shukra diidihi dyu`mat paa'vaka diidihi || {6}{048}{07}
vishvaa'saaM gR^i`hapa'tir vi`shaam a'si` tvam a'gne` maanu'ShiiNaam |
sha`tam puu`rbhir ya'viShTha paa`hy aMha'saH same`ddhaaraM' sha`taM himaa' sto`tR^ibhyo` ye ca` dada'ti || {6}{048}{08}
tvaM na'sh ci`tra uu`tyaa vaso` raadhaaM'si codaya |
a`sya raa`yas tvam a'gne ra`thiir a'si vi`daa gaa`dhaM tu`ce tu naH' || {6}{048}{09}
parShi' to`kaM tana'yam pa`rtR^ibhi`Sh Tvam ada'bdhai`r apra'yutvabhiH |
agne` heLaaM'si` daivyaa' yuyodhi` no .a'devaani` hvaraaM'si ca || {6}{048}{10}
aa sa'khaayaH saba`rdughaaM' dhe`num a'jadhva`m upa` navya'saa` vacaH' |
sR^i`jadhva`m ana'pasphuraam || {6}{048}{11}
yaa shardhaa'ya` maaru'taaya` svabhaa'nave` shravo .a'mR^ityu` dhukSha'ta | |
yaa mR^i'Lii`ke ma`rutaaM' tu`raaNaaM` yaa su`mnair e'va`yaava'rii || {6}{048}{12}
bha`radvaa'jaa`yaava' dhukShata dvi`taa |
dhe`nuM ca' vi`shvado'hasa`m iShaM' ca vi`shvabho'jasam || {6}{048}{13}
taM va` indraM` na su`kratuM` varu'Nam iva maa`yina'm |
a`rya`maNaM` na ma`ndraM sR^i`prabho'jasaM` viShNuM` na stu'Sha aa`dishe' || {6}{048}{14}
tve`ShaM shardho` na maaru'taM tuvi`ShvaNy a'na`rvaaNa'm puu`ShaNaM` saM yathaa' sha`taa |
saM sa`hasraa` kaari'Shac carSha`Nibhya` aam+ aa`vir guu`Lhaa vasuu' karat su`vedaa' no` vasuu' karat || {6}{048}{15}
aa maa' puuSha`nn upa' drava` shaMsi'ShaM` nu te' apika`rNa aa'ghR^iNe |
a`ghaa a`ryo araa'tayaH || {6}{048}{16}
maa kaa'ka`mbiira`m ud vR^i'ho` vana`spati`m asha'stii`r vi hi niina'shaH |
mota suuro` aha' e`vaa ca`na grii`vaa aa`dadha'te` veH || {6}{048}{17}
dR^ite'r iva te .avR^i`kam a'stu sa`khyam |
acChi'drasya dadha`nvataH` supuu'rNasya dadha`nvataH' || {6}{048}{18}
pa`ro hi martyai`r asi' sa`mo de`vair u`ta shri`yaa |
a`bhi khyaH' puuSha`n pR^ita'naasu na`s tvam avaa' nuu`naM yathaa' pu`raa || {6}{048}{19}
vaa`mii vaa`masya' dhuutayaH` praNii'tir astu suu`nR^itaa' |
de`vasya' vaa maruto` martya'sya vejaa`nasya' prayajyavaH || {6}{048}{20}
sa`dyash ci`d yasya' carkR^i`tiH pari` dyaaM de`vo naiti` suuryaH' |
tve`ShaM shavo' dadhire` naama' ya`j~niya'm ma`ruto' vR^itra`haM shavo` jyeShThaM' vR^itra`haM shavaH' || {6}{048}{21}
sa`kR^id dha` dyaur a'jaayata sa`kR^id bhuumi'r ajaayata |
pR^ishnyaa' du`gdhaM sa`kR^it paya`s tad a`nyo naanu' jaayate || {6}{048}{22}


(490)
stu`She janaM' suvra`taM navya'siibhir gii`rbhir mi`traavaru'Naa sumna`yantaa' |
ta aa ga'mantu` ta i`ha shru'vantu sukSha`traaso` varu'No mi`tro a`gniH || {6}{049}{01}
vi`sho-vi'sha` iiDya'm adhva`reShv adR^i'ptakratum ara`tiM yu'va`tyoH |
di`vaH shishuM` saha'saH suu`num a`gniM ya`j~nasya' ke`tum a'ru`ShaM yaja'dhyai || {6}{049}{02}
a`ru`Shasya' duhi`taraa` viruu'pe` stR^ibhi'r a`nyaa pi'pi`she suuro' a`nyaa |
mi`tha`sturaa' vi`cara'ntii paava`ke manma' shru`taM na'kShata R^i`cyamaa'ne || {6}{049}{03}
pra vaa`yum acChaa' bR^iha`tii ma'nii`Shaa bR^i`hadra'yiM vi`shvavaa'raM ratha`praam |
dyu`tadyaa'maa ni`yutaH` patya'maanaH ka`viH ka`vim i'yakShasi prayajyo || {6}{049}{04}
sa me` vapu'sh Chadayad a`shvino`r yo ratho' vi`rukmaa`n mana'saa yujaa`naH |
ya' naraa naasatyeSha`yadhyai' va`rtir yaa`thas tana'yaaya` tmane' ca || {6}{049}{05}
parja'nyavaataa vR^iShabhaa pR^ithi`vyaaH purii'ShaaNi jinvata`m apyaa'ni |
satya'shrutaH kavayo` yasya' gii`rbhir jaga'ta sthaata`r jaga`d aa kR^i'Nudhvam || {6}{049}{06}
paavii'ravii ka`nyaa ci`traayuH` sara'svatii vii`rapa'tnii` dhiyaM' dhaat |
gnaabhi`r acChi'draM shara`NaM sa`joShaa' duraa`dharShaM' gR^iNa`te sharma' yaMsat || {6}{049}{07}
pa`thas-pa'thaH` pari'patiM vaca`syaa kaame'na kR^i`to a`bhy aanaL a`rkam |
sa no' raasac Chu`rudha'sh ca`ndraagraa` dhiyaM'-dhiyaM siiShadhaati` pra puu`Shaa || {6}{049}{08}
pra`tha`ma`bhaajaM' ya`shasaM' vayo`dhaaM su'paa`NiM de`vaM su`gabha'sti`m R^ibhva'm |
hotaa' yakShad yaja`tam pa`styaanaam a`gnis tvaShTaa'raM su`havaM' vi`bhaavaa' || {6}{049}{09}
bhuva'nasya pi`taraM' gii`rbhir aa`bhii ru`draM divaa' va`rdhayaa' ru`dram a`ktau |
bR^i`hanta'm R^i`Shvam a`jaraM' suShu`mnam R^idha'g ghuvema ka`vine'Shi`taasaH' || {6}{049}{10}
aa yu'vaanaH kavayo yaj~niyaaso` maru'to ga`nta gR^i'Na`to va'ra`syaam |
a`ci`traM ci`d dhi jinva'thaa vR^i`dhanta' i`tthaa nakSha'nto naro a~Ngira`svat || {6}{049}{11}
pra vii`raaya` pra ta`vase' tu`raayaajaa' yuu`theva' pashu`rakShi`r asta'm |
sa pi'spR^ishati tanvai shru`tasya` stR^ibhi`r na naakaM' vaca`nasya` vipaH' || {6}{049}{12}
yo rajaaM'si vima`me paarthi'vaani` trish ci`d viShNu`r mana've baadhi`taaya' |
tasya' te` sharma'nn upada`dyamaa'ne raa`yaa ma'dema ta`nvaaKp tanaa' ca || {6}{049}{13}
tan no .a'hir bu`dhnyo a`dbhir a`rkais tat parva'ta`s tat sa'vi`taa cano' dhaat |
tad oSha'dhiibhir a`bhi raa'ti`Shaaco` bhagaH` puraM'dhir jinvatu` pra raa`ye || {6}{049}{14}
nu no' ra`yiM ra`thyaM carShaNi`praam pu'ru`viira'm ma`ha R^i`tasya' go`paam |
kShayaM' daataa`jaraM` ya` janaa`n spR^idho` ade'viir a`bhi ca` kramaa'ma` visha` aade'viir a`bhy akp shnavaa'ma || {6}{049}{15}


(491)
hu`ve vo' de`viim adi'tiM` namo'bhir mR^iLii`kaaya` varu'Nam mi`tram a`gnim |
a`bhi`kSha`daam a'rya`maNaM' su`shevaM' traa`tR^In de`vaan sa'vi`taara`m bhagaM' ca || {6}{050}{01}
su`jyoti'ShaH suurya` dakSha'pitR^In anaagaa`stve su'maho viihi de`vaan |
dvi`janmaa'no` ya R^i'ta`saapaH' sa`tyaaH svarvanto yaja`taa a'gniji`hvaaH || {6}{050}{02}
u`ta dyaa'vaapR^ithivii kSha`tram u`ru bR^i`had ro'dasii shara`NaM su'Shumne |
ma`has ka'ratho` vari'vo` yathaa' no .a`sme kShayaa'ya dhiShaNe ane`haH || {6}{050}{03}
aa no' ru`drasya' suu`navo' namantaam a`dyaa huu`taaso` vasa`vo .a'dhR^iShTaaH |
yad ii`m arbhe' maha`ti vaa' hi`taaso' baa`dhe ma`ruto` ahvaa'ma de`vaan || {6}{050}{04}
mi`myakSha` yeShu' roda`sii nu de`vii siSha'kti puu`Shaa a'bhyardha`yajvaa' |
shru`tvaa hava'm maruto` yad dha' yaa`tha bhuumaa' rejante` adhva'ni` pravi'kte || {6}{050}{05}
a`bhi tyaM vii`raM girva'Nasam a`rcdra`m brahma'Naa jarita`r nave'na |
shrava`d id dhava`m upa' ca` stavaa'no` raasa`d vaajaa`m+ upa' ma`ho gR^i'Naa`naH || {6}{050}{06}
o`maana'm aapo maanuShii`r amR^i'ktaM` dhaata' to`kaaya` tana'yaaya` shaM yoH |
yuu`yaM hi ShThaa bhi`Shajo' maa`tR^ita'maa` vishva'sya sthaa`tur jaga'to` jani'triiH || {6}{050}{07}
aa no' de`vaH sa'vi`taa traaya'maaNo` hira'NyapaaNir yaja`to ja'gamyaat |
yo datra'vaam+ u`Shaso` na pratii'kaM vyuurNu`te daa`shuShe` vaaryaa'Ni || {6}{050}{08}
u`ta tvaM suu'no sahaso no a`dyaa de`vaam+ a`sminn a'dhva`re va'vR^ityaaH |
syaam a`haM te` sada`m id raa`tau tava' syaam a`gne .a'vasaa su`viiraH' || {6}{050}{09}
u`ta tyaa me` hava`m aa ja'gmyaataM` naasa'tyaa dhii`bhir yu`vam a`~Nga vi'praa |
atriM` na ma`has tama'so .amumuktaM` tuurva'taM naraa duri`taad a`bhiike' || {6}{050}{10}
te no' raa`yo dyu`mato` vaaja'vato daa`taaro' bhuuta nR^i`vataH' puru`kShoH |
da`sha`syanto' di`vyaaH paarthi'vaaso` gojaa'taa` apyaa' mR^i`Lataa' ca devaaH || {6}{050}{11}
te no' ru`draH sara'svatii sa`joShaa' mii`LhuShma'nto` viShNu'r mR^iLantu vaa`yuH |
R^i`bhu`kShaa vaajo` daivyo' vidhaa`taa pa`rjanyaa`vaataa' pipyataa`m iShaM' naH || {6}{050}{12}
u`ta sya de`vaH sa'vi`taa bhago' no .a`paaM napaa'd avatu` daanu` papriH' |
tvaShTaa' de`vebhi`r jani'bhiH sa`joShaa` dyaur de`vebhiH' pR^ithi`vii sa'mu`draiH || {6}{050}{13}
u`ta no .a'hir bu`dhnyaH shR^iNotv a`ja eka'paat pR^ithi`vii sa'mu`draH |
vishve' de`vaa R^i'taa`vR^idho' huvaa`naa stu`taa mantraaH' kavisha`staa a'vantu || {6}{050}{14}
e`vaa napaa'to` mama` tasya' dhii`bhir bha`radvaa'jaa a`bhy arcanty a`rkaiH |
gnaa hu`taaso` vasa`vo .a'dhR^iShTaa` vishve' stu`taaso' bhuutaa yajatraaH || {6}{050}{15}


(492)
ud u` tyac cakShu`r mahi' mi`trayo`r aam+ eti' pri`yaM varu'Nayo`r ada'bdham |
R^i`tasya` shuci' darsha`tam anii'kaM ru`kmo na di`va udi'taa` vy adyaut || {6}{051}{01}
veda` yas triiNi' vi`dathaa'ny eShaaM de`vaanaaM` janma' sanu`tar aa ca` vipraH' |
R^i`ju marte'Shu vR^iji`naa ca` pashya'nn a`bhi ca'ShTe` suuro' a`rya evaa'n || {6}{051}{02}
stu`Sha u' vo ma`ha R^i`tasya' go`paan adi'tim mi`traM varu'NaM sujaa`taan |
a`rya`maNa`m bhaga`m ada'bdhadhiitii`n acChaa' voce sadha`nyaH paava`kaan || {6}{051}{03}
ri`shaada'saH` satpa'tii`m+r ada'bdhaan ma`ho raaj~naH' suvasa`nasya' daa`tR^In |
yuunaH' sukSha`traan kShaya'to di`vo nR^In aa'di`tyaan yaa`my adi'tiM duvo`yu || {6}{051}{04}
dyauKp Sh pitaH` pR^ithi'vi` maata`r adhru`g agne' bhraatar vasavo mR^i`Lataa' naH |
vishva' aadityaa adite sa`joShaa' a`smabhyaM` sharma' bahu`laM vi ya'nta || {6}{051}{05}
maa no` vR^ikaa'ya vR^i`kye samasmaa aghaaya`te rii'radhataa yajatraaH |
yuu`yaM hi ShThaa ra`thyo nas ta`nuunaaM' yuu`yaM dakSha'sya` vaca'so babhuu`va || {6}{051}{06}
maa va` o' a`nyakR^i'tam bhujema` maa tat ka'rma vasavo` yac caya'dhve |
vishva'sya` hi kShaya'tha vishvadevaaH sva`yaM ri`pus ta`nvaM riiriShiiShTa || {6}{051}{07}
nama` id u`graM nama` aa vi'vaase` namo' daadhaara pR^ithi`viim u`ta dyaam |
namo' de`vebhyo` nama' iisha eShaaM kR^i`taM ci`d o` nama`saa vi'vaase || {6}{051}{08}
R^i`tasya' vo ra`thyaH puu`tada'kShaan R^i`tasya' pastya`sado` ada'bdhaan |
taam+ aa namo'bhir uru`cakSha'so` nR^In vishvaa'n va` aa na'me ma`ho ya'jatraaH || {6}{051}{09}
te hi shreShTha'varcasa`s ta u' nas ti`ro vishvaa'ni duri`taa naya'nti |
su`kSha`traaso` varu'No mi`tro a`gnir R^i`tadhii'tayo vakma`raaja'satyaaH || {6}{051}{10}
te na` indraH' pR^ithi`vii kShaama' vardhan puu`Shaa bhago` adi'tiH` pa~nca` janaaH' |
su`sharmaa'NaH` svava'saH sunii`thaa bhava'ntu naH sutraa`traasaH' sugo`paaH || {6}{051}{11}
nuu sa`dmaanaM' di`vyaM naMshi' devaa` bhaara'dvaajaH suma`tiM yaa'ti` hotaa' |
aa`saa`nebhi`r yaja'maano mi`yedhai'r de`vaanaaM` janma' vasuu`yur va'vanda || {6}{051}{12}
apa` tyaM vR^i'ji`naM ri`puM ste`nam a'gne duraa`dhyam |
da`vi`ShTham a'sya satpate kR^i`dhii su`gam || {6}{051}{13}
graavaa'NaH soma no` hi kaM' sakhitva`naaya' vaava`shuH |
ja`hii ny akp triNa'm pa`NiM vR^iko` hi ShaH || {6}{051}{14}
yuu`yaM hi ShThaa su'daanava` indra'jyeShThaa a`bhidya'vaH |
kartaa' no` adhva`nn aa su`gaM go`paa a`maa || {6}{051}{15}
api` panthaa'm aganmahi svasti`gaam a'ne`hasa'm |
ya` vishvaaH` pari` dviSho' vR^i`Nakti' vi`ndate` vasu' || {6}{051}{16}


(493)
na tad di`vaa na pR^i'thi`vyaanu' manye` na ya`j~na` nota shamii'bhir aa`bhiH |
u`bjantu` taM su`bhvakp H parva'taaso` ni hii'yataam atiyaa`jasya' ya`ShTaa || {6}{052}{01}
ati' vaa` yo ma'ruto` manya'te no` brahma' vaa` yaH kri`yamaa'NaM` nini'tsaat |
tapuuM'Shi` tasmai' vR^iji`naani' santu brahma`dviSha'm a`bhi taM sho'catu` dyauH || {6}{052}{02}
kim a`~Nga tvaa` brahma'NaH soma go`paaM kim a`~Nga tvaa'hur abhishasti`paaM naH' |
kim a`~Nga naH' pashyasi ni`dyamaa'naan brahma`dviShe` tapu'ShiM he`tim a'sya || {6}{052}{03}
ava'ntu` maam u`Shaso` jaaya'maanaa` ava'ntu maa` sindha'vaH` pinva'maanaaH |
ava'ntu maa` parva'taaso dhru`vaaso .a'vantu maa pi`taro' de`vahuu'tau || {6}{052}{04}
vi`shva`daaniiM' su`mana'saH syaama` pashye'ma` nu suurya'm u`ccara'ntam |
tathaa' kara`d vasu'pati`r vasuu'naaM de`vaam+ ohaa`no .a'va`saaga'miShThaH || {6}{052}{05}
indro` nedi'ShTha`m ava`saaga'miShThaH` sara'svatii` sindhu'bhiH` pinva'maanaa |
pa`rjanyo' na` oSha'dhiibhir mayo`bhur a`gniH su`shaMsaH' su`havaH' pi`teva' || {6}{052}{06}
vishve' devaasa` aa ga'ta shR^iNu`taa ma' i`maM hava'm |
edam ba`rhir ni Shii'data || {6}{052}{07}
yo vo' devaa ghR^i`tasnu'naa ha`vya' prati`bhuuSha'ti |
taM vishva` upa' gacChatha || {6}{052}{08}
upa' naH suu`navo` giraH' shR^i`Nvantv a`mR^ita'sya` ye |
su`mR^i`Lii`kaa bha'vantu naH || {6}{052}{09}
vishve' de`vaa R^i'taa`vR^idha' R^i`tubhi'r havana`shrutaH' |
ju`ShantaaM` yujya`m payaH' || {6}{052}{10}
sto`tram indro' ma`rudga'Na`s tvaShTR^i'maan mi`tro a'rya`maa |
i`maa ha`vyaa ju'Shanta naH || {6}{052}{11}
i`maM no' agne adhva`raM hota'r vayuna`sho ya'ja |
ci`ki`tvaan daivyaM` jana'm || {6}{052}{12}
vishve' devaaH shR^iNu`temaM hava'm me` ye a`ntari'kShe` ya upa` dyavi` ShTha |
ye a'gniji`hvaa u`ta vaa` yaja'traa aa`sadyaa`smin ba`rhiShi' maadayadhvam || {6}{052}{13}
vishve' de`vaa mama' shR^iNvantu ya`j~niyaa' u`bhe roda'sii a`paaM napaa'c ca` manma' |
maa vo` vacaaM'si pari`cakShyaa'Ni vocaM su`mneShv id vo` anta'maa madema || {6}{052}{14}
ye ke ca` jmaa ma`hino` ahi'maayaa di`vo ja'j~ni`re a`paaM sa`dhasthe' |
te a`smabhya'm i`Shaye` vishva`m aayuH` kShapa' u`sraa va'rivasyantu de`vaaH || {6}{052}{15}
agnii'parjanyaa`v ava'taM` dhiya'm me .a`smin have' suhavaa suShTu`tiM naH' |
iLaa'm a`nyo ja`naya`d garbha'm a`nyaH pra`jaava'tii`r iSha` aa dha'ttam a`sme || {6}{052}{16}
stii`rNe ba`rhiShi' samidhaa`ne a`gnau suu`kta' ma`haa nama`saa vi'vaase |
a`smin no' a`dya vi`dathe' yajatraa` vishve' devaa ha`viShi' maadayadhvam || {6}{052}{17}


(494)
va`yam u' tvaa pathas pate` rathaM` na vaaja'saataye |
dhi`ye puu'Shann ayujmahi || {6}{053}{01}
a`bhi no` naryaM` vasu' vii`ram praya'tadakShiNam |
vaa`maM gR^i`hapa'tiM naya || {6}{053}{02}
adi'tsantaM cid aaghR^iNe` puuSha`n daanaa'ya codaya |
pa`Nesh ci`d vi mra'daa` manaH' || {6}{053}{03}
vi pa`tho vaaja'saataye cinu`hi vi mR^idho' jahi |
saadha'ntaam ugra no` dhiyaH' || {6}{053}{04}
pari' tR^indhi paNii`naam aara'yaa` hR^ida'yaa kave |
athe'm a`smabhyaM' randhaya || {6}{053}{05}
vi puu'Sha`nn aara'yaa tuda pa`Ner i'cCha hR^i`di pri`yam |
athe'm a`smabhyaM' randhaya || {6}{053}{06}
aa ri'kha kiki`raa kR^i'Nu paNii`naaM hR^ida'yaa kave |
athe'm a`smabhyaM' randhaya || {6}{053}{07}
yaam puu'Shan brahma`coda'nii`m aaraa`m bibha'rShy aaghR^iNe |
tayaa' samasya` hR^ida'ya`m aa ri'kha kiki`raa kR^i'Nu || {6}{053}{08}
yaa te` aShTraa` goo'pa`shaaghR^i'Ne pashu`saadha'nii |
tasyaa's te su`mnam ii'mahe || {6}{053}{09}
u`ta no' go`ShaNiM` dhiya'm ashva`saaM vaa'ja`saam u`ta |
nR^i`vat kR^i'Nuhi vii`taye' || {6}{053}{10}


(495)
sam puu'Shan vi`duShaa' naya` yo a~nja'saanu`shaasa'ti |
ya e`vedam iti` brava't || {6}{054}{01}
sam u' puu`ShNaa ga'memahi` yo gR^i`haam+ a'bhi`shaasa'ti |
i`ma e`veti' ca` brava't || {6}{054}{02}
puu`ShNash ca`kraM na ri'Shyati` na kosho .a'va padyate |
no a'sya vyathate pa`viH || {6}{054}{03}
yo a'smai ha`viShaavi'dha`n na tam puu`Shaapi' mR^iShyate |
pra`tha`mo vi'ndate` vasu' || {6}{054}{04}
puu`Shaa gaa anv e'tu naH puu`Shaa ra'kSha`tv arva'taH |
puu`Shaa vaajaM' sanotu naH || {6}{054}{05}
puuSha`nn anu` pra gaa i'hi` yaja'maanasya sunva`taH |
a`smaakaM' stuva`taam u`ta || {6}{054}{06}
maaki'r nesha`n maakiiM' riSha`n maakiiM` saM shaa'ri` keva'Te |
athaari'ShTaabhi`r aa ga'hi || {6}{054}{07}
shR^i`Nvanta'm puu`ShaNaM' va`yam irya`m ana'ShTavedasam |
iishaa'naM raa`ya ii'mahe || {6}{054}{08}
puuSha`n tava' vra`te va`yaM na ri'Shyema` kadaa' ca`na |
sto`taara's ta i`ha sma'si || {6}{054}{09}
pari' puu`Shaa pa`rastaa`d dhastaM' dadhaatu` dakShi'Nam |
puna'r no na`ShTam aaja'tu || {6}{054}{10}


(496)
ehi` vaaM vi'muco napaa`d aaghR^i'Ne` saM sa'caavahai |
ra`thiir R^i`tasya' no bhava || {6}{055}{01}
ra`thiita'maM kapa`rdina`m iishaa'naM` raadha'so ma`haH |
raa`yaH sakhaa'yam iimahe || {6}{055}{02}
raa`yo dhaaraa'sy aaghR^iNe` vaso' raa`shir a'jaashva |
dhiiva'to-dhiivataH` sakhaa' || {6}{055}{03}
puu`ShaNaM` nv akp jaashva`m upa' stoShaama vaa`jina'm |
svasu`r yo jaa`ra u`cyate' || {6}{055}{04}
maa`tur di'dhi`Shum a'bravaM` svasu'r jaa`raH shR^i'Notu naH |
bhraatdra'sya` sakhaa` mama' || {6}{055}{05}
aajaasaH' puu`ShaNaM` rathe' nishR^i`mbhaas te ja'na`shriya'm |
de`vaM va'hantu` bibhra'taH || {6}{055}{06}


(497)
ya e'nam aa`dide'shati kara`mbhaad iti' puu`ShaNa'm |
na ta' de`va aa`dishe' || {6}{056}{01}
u`ta ghaa` sa ra`thiita'maH` sakhyaa` satpa'tir yu`jaa |
indro' vR^i`traaNi' jighnate || {6}{056}{02}
u`taadaH pa'ru`She gavi` suura'sh ca`kraM hi'ra`Nyaya'm |
ny aa`i`ra`ya`d ra`thiita'maH || {6}{056}{03}
yad a`dya tvaa' puruShTuta` bravaa'ma dasra mantumaH |
tat su no` manma' saadhaya || {6}{056}{04}
i`maM ca' no ga`veSha'NaM saa`taye' siiShadho ga`Nam |
aa`raat puu'Shann asi shru`taH || {6}{056}{05}
aa te' sva`stim ii'maha aa`rea'ghaa`m upaa'vasum |
a`dyaa ca' sa`rvataa'taye` shvash ca' sa`rvataa'taye || {6}{056}{06}


(498)
indraa` nu puu`ShaNaa' va`yaM sa`khyaaya' sva`staye' |
hu`vema` vaaja'saataye || {6}{057}{01}
soma'm a`nya upaa'sada`t paata've ca`mvoH su`tam |
ka`ra`mbham a`nya i'cChati || {6}{057}{02}
a`jaa a`nyasya` vahna'yo` harii' a`nyasya` sambhR^i'taa |
taabhyaaM' vR^i`traaNi' jighnate || {6}{057}{03}
yad indro` ana'ya`d rito' ma`hiir a`po vR^iSha'ntamaH |
tatra' puu`Shaabha'va`t sacaa' || {6}{057}{04}
taam puu`ShNaH su'ma`tiM va`yaM vR^i`kShasya` pra va`yaam i'va |
indra'sya` caa ra'bhaamahe || {6}{057}{05}
ut puu`ShaNaM' yuvaamahe .a`bhiishuu'm+r iva` saara'thiH |
ma`hyaa indraM' sva`staye' || {6}{057}{06}


(499)
shu`kraM te' a`nyad ya'ja`taM te' a`nyad viShu'ruupe` aha'nii` dyaur i'vaasi |
vishvaa` hi maa`yaa ava'si svadhaavo bha`draa te' puuShann i`ha raa`tir a'stu || {6}{058}{01}
a`jaashvaH' pashu`paa vaaja'pastyo dhiyaMji`nvo bhuva'ne` vishve` arpi'taH |
aShTraa'm puu`Shaa shi'thi`raam u`dvarii'vR^ijat saM`cakShaa'No` bhuva'naa de`va ii'yate || {6}{058}{02}
yaas te' puuSha`n naavo' a`ntaH sa'mu`dre hi'ra`Nyayii'r a`ntari'kShe` cara'nti |
taabhi'r yaasi duu`tyaaM suurya'sya` kaame'na kR^ita` shrava' i`cChamaa'naH || {6}{058}{03}
puu`Shaa su`bandhu'r di`va aa pR^i'thi`vyaa i`Las pati'r ma`ghavaa' da`smava'rcaaH |
yaM de`vaaso` ada'duH suu`ryaayai` kaame'na kR^i`taM ta`vasaM` sva~nca'm || {6}{058}{04}


(500)
pra nu vo'caa su`teShu' vaaM vii`ryaaKp yaani' ca`krathuH' |
ha`taaso' vaam pi`taro' de`vasha'trava` indraa'gnii` jiiva'tho yu`vam || {6}{059}{01}
baL i`tthaa ma'hi`maa vaa`m indraa'gnii` pani'ShTha` aa |
sa`maa`no vaaM' jani`taa bhraata'raa yu`vaM ya`maav i`heha'maataraa || {6}{059}{02}
o`ki`vaaMsaa' su`te sacaa`m+ ashvaa` saptii' i`vaada'ne |
indraa` nv akp gnii ava'se`ha va`jriNaa' va`yaM de`vaa ha'vaamahe || {6}{059}{03}
ya i'ndraagnii su`teShu' vaaM` stava`t teShv R^i'taavR^idhaa |
jo`Sha`vaa`kaM vada'taH pajrahoShiNaa` na de'vaa bha`satha'sh ca`na || {6}{059}{04}
indraa'gnii` ko a`sya vaaM` devau` marta'sh ciketati |
viShuu'co` ashvaa'n yuyujaa`na ii'yata` ekaH' samaa`na aa rathe' || {6}{059}{05}
indraa'gnii a`paad i`yam puurvaagaa't pa`dvatii'bhyaH |
hi`tvii shiro' ji`hvayaa` vaava'da`c cara't triM`shat pa`daa ny akramiit || {6}{059}{06}
indraa'gnii` aa hi ta'nva`te naro` dhanvaa'ni baa`hvoH |
maa no' a`smin ma'haadha`ne paraa' varktaM` gavi'ShTiShu || {6}{059}{07}
indraa'gnii` tapa'nti maa`ghaa a`ryo araa'tayaH |
apa` dveShaaM`sy aa kR^i'taM yuyu`taM suuryaa`d adhi' || {6}{059}{08}
indraa'gnii yu`vor api` vasu' di`vyaani` paarthi'vaa |
aa na' i`ha pra ya'cChataM ra`yiM vi`shvaayu'poShasam || {6}{059}{09}
indraa'gnii ukthavaahasaa` stome'bhir havanashrutaa |
vishvaa'bhir gii`rbhir aa ga'tam a`sya soma'sya pii`taye' || {6}{059}{10}


(501)
shnatha'd vR^i`tram u`ta sa'noti` vaaja`m indraa` yo a`gnii sahu'rii sapa`ryaat |
i`ra`jyantaa' vasa`vyasya` bhuureH` saha'stamaa` saha'saa vaaja`yantaa' || {6}{060}{01}
taa yo'dhiShTam a`bhi gaa i'ndra nuu`nam a`paH svar u`Shaso' agna uu`LhaaH |
dishaH` svar u`Shasa' indra ci`traa a`po gaa a'gne yuvase ni`yutvaa'n || {6}{060}{02}
aa vR^i'trahaNaa vR^itra`habhiH` shuShmai`r indra' yaa`taM namo'bhir agne a`rvaak |
yu`vaM raadho'bhi`r aka'vebhir i`ndraagne' a`sme bha'vatam utta`mebhiH' || {6}{060}{03}
taa hu've` yayo'r i`dam pa`pne vishva'm pu`raa kR^i`tam |
i`ndraa`gnii na ma'rdhataH || {6}{060}{04}
u`graa vi'gha`ninaa` mR^idha' indraa`gnii ha'vaamahe |
taa no' mR^iLaata ii`dR^ishe' || {6}{060}{05}
ha`to vR^i`traaNy aaryaa' ha`to daasaa'ni` satpa'tii |
ha`to vishvaa` apa` dviShaH' || {6}{060}{06}
indraa'gnii yu`vaam i`me .a`bhi stomaa' anuuShata |
piba'taM shambhuvaa su`tam || {6}{060}{07}
yaa vaaM` santi' puru`spR^iho' ni`yuto' daa`shuShe' naraa |
indraa'gnii` taabhi`r aa ga'tam || {6}{060}{08}
taabhi`r aa ga'cChataM na`rope`daM sava'naM su`tam |
indraa'gnii` soma'piitaye || {6}{060}{09}
tam ii'LiShva` yo a`rciShaa` vanaa` vishvaa' pari`Shvaja't |
kR^i`ShNaa kR^i`Noti' ji`hvayaa' || {6}{060}{10}
ya i`ddha aa`vivaa'sati su`mnam indra'sya` martyaH' |
dyu`mnaaya' su`taraa' a`paH || {6}{060}{11}
taa no` vaaja'vatii`r iSha' aa`shuun pi'pR^ita`m arva'taH |
indra'm a`gniM ca` voLha've || {6}{060}{12}
u`bhaa vaa'm indraagnii aahu`vadhyaa' u`bhaa raadha'saH sa`ha maa'da`yadhyai' |
u`bhaa daa`taaraa'v i`ShaaM ra'yii`Naam u`bhaa vaaja'sya saa`taye' huve vaam || {6}{060}{13}
aa no` gavye'bhi`r ashvyai'r vasavyaai`r upa' gacChatam |
sakhaa'yau de`vau sa`khyaaya' sha`mbhuve'ndraa`gnii taa ha'vaamahe || {6}{060}{14}
indraa'gnii shR^iNu`taM havaM` yaja'maanasya sunva`taH |
vii`taM ha`vyaany aa ga'ta`m piba'taM so`myam madhu' || {6}{060}{15}


(502)
i`yam a'dadaad rabha`sam R^i'Na`cyutaM` divo'daasaM vadhrya`shvaaya' daa`shuShe' |
yaa shashva'ntam aaca`khaadaa'va`sam pa`NiM taa te' daa`traaNi' tavi`Shaa sa'rasvati || {6}{061}{01}
i`yaM shuShme'bhir bisa`khaa i'vaaruja`t saanu' girii`NaaM ta'vi`Shebhi'r uu`rmibhiH' |
paa`raa`va`ta`ghniim ava'se suvR^i`ktibhiH` sara'svatii`m aa vi'vaasema dhii`tibhiH' || {6}{061}{02}
sara'svati deva`nido` ni ba'rhaya pra`jaaM vishva'sya` bR^isa'yasya maa`yinaH' |
u`ta kShi`tibhyo' .a`vanii'r avindo vi`Sham e'bhyo asravo vaajiniivati || {6}{061}{03}
pra No' de`vii sara'svatii` vaaje'bhir vaa`jinii'vatii |
dhii`naam a'vi`try avatu || {6}{061}{04}
yas tvaa' devi sarasvaty upabruu`te dhane' hi`te |
indraM` na vR^i'tra`tuurye' || {6}{061}{05}
tvaM de'vi sarasva`ty avaa` vaaje'Shu vaajini |
radaa' puu`Sheva' naH sa`nim || {6}{061}{06}
u`ta syaa naH` sara'svatii gho`raa hira'NyavartaniH |
vR^i`tra`ghnii va'ShTi suShTu`tim || {6}{061}{07}
yasyaa' ana`nto ahru'tas tve`Shash ca'ri`ShNur a'rNa`vaH |
ama`sh cara'ti` roru'vat || {6}{061}{08}
saa no` vishvaa` ati` dviShaH` svasR^I'r a`nyaa R^i`taava'rii |
ata`nn ahe'va` suuryaH' || {6}{061}{09}
u`ta naH' pri`yaa pri`yaasu' sa`ptasva'saa` suju'ShTaa |
sara'svatii` stomyaa' bhuut || {6}{061}{10}
aa`pa`pruShii` paarthi'vaany u`ru rajo' a`ntari'kSham |
sara'svatii ni`das paa'tu || {6}{061}{11}
tri`Sha`dhasthaa' sa`ptadhaa'tuH` pa~nca' jaa`taa va`rdhaya'ntii |
vaaje'-vaaje` havyaa' bhuut || {6}{061}{12}
pra yaa ma'hi`mnaa ma`hinaa'su` ceki'te dyu`mnebhi'r a`nyaa a`pasaa'm a`pasta'maa |
ratha' iva bR^iha`tii vi`bhvane' kR^i`topa`stutyaa' ciki`tuShaa` sara'svatii || {6}{061}{13}
sara'svaty a`bhi no' neShi` vasyo` maapa' sphariiH` paya'saa` maa na` aa dha'k |
ju`Shasva' naH sa`khyaa ve`shyaa ca` maa tvat kShetraa`Ny ara'Naani ganma || {6}{061}{14}


(503)
stu`She naraa' di`vo a`sya pra`santaa`shvinaa' huve` jara'maaNo a`rkaiH |
yaa sa`dya u`sraa vyuShi` jmo antaa`n yuyuu'ShataH` pary u`ruu varaaM'si || {6}{062}{01}
taa ya`j~nam aa shuci'bhish cakramaa`Naa ratha'sya bhaa`nuM ru'rucuu` rajo'bhiH |
pu`ruu varaaM`sy ami'taa` mimaa'naa`po dhanvaa`ny ati' yaatho` ajraa'n || {6}{062}{02}
taa ha` tyad va`rtir yad ara'dhram ugre`tthaa dhiya' uuhathuH` shashva`d ashvaiH' |
mano'javebhir iShi`raiH sha`yadhyai` pari` vyathi'r daa`shuSho` martya'sya || {6}{062}{03}
taa navya'so` jara'maaNasya` manmopa' bhuuShato yuyujaa`nasa'ptii |
shubha`m pR^ikSha`m iSha`m uurjaM` vaha'ntaa` hotaa' yakShat pra`tno a`dhrug yuvaa'naa || {6}{062}{04}
taa va`lguu da`sraa pu'ru`shaaka'tamaa pra`tnaa navya'saa` vaca`saa vi'vaase |
yaa shaMsa'te stuva`te shambha'viShThaa babhuu`vatu'r gR^iNa`te ci`traraa'tii || {6}{062}{05}
taa bhu`jyuM vibhi'r a`dbhyaH sa'mu`draat tugra'sya suu`num uu'hathuu` rajo'bhiH |
a`re`Nubhi`r yoja'nebhir bhu`jantaa' pata`tribhi`r arNa'so` nir u`pasthaa't || {6}{062}{06}
vi ja`yuShaa' rathyaa yaata`m adriM' shru`taM havaM' vR^iShaNaa vadhrima`tyaaH |
da`sha`syantaa' sha`yave' pipyathu`r gaam iti' cyavaanaa suma`tim bhu'raNyuu || {6}{062}{07}
yad ro'dasii pra`divo` asti` bhuumaa` heLo' de`vaanaa'm u`ta ma'rtya`traa |
tad aa'dityaa vasavo rudriyaaso rakSho`yuje` tapu'r a`ghaM da'dhaata || {6}{062}{08}
ya iiM` raajaa'naav R^itu`thaa vi`dadha`d raja'so mi`tro varu'Na`sh cike'tat |
ga`mbhii`raaya` rakSha'se he`tim a'sya` droghaa'ya ci`d vaca'sa` aana'vaaya || {6}{062}{09}
anta'raish ca`krais tana'yaaya va`rtir dyu`mataa yaa'taM nR^i`vataa` rathe'na |
sanu'tya` tyaja'saa` martya'sya vanuShya`taam api' shii`rShaa va'vR^iktam || {6}{062}{10}
aa pa'ra`maabhi'r u`ta ma'dhya`maabhi'r ni`yudbhi'r yaatam ava`maabhi'r a`rvaak |
dR^i`Lhasya' ci`d goma'to` vi vra`jasya` duro' vartaM gR^iNa`te ci'traraatii || {6}{062}{11}


(504)
kvakp tyaa va`lguu pu'ruhuu`taadya duu`to na stomo' .avida`n nama'svaan |
aa yo a`rvaa~N naasa'tyaa va`varta` preShThaa` hy asa'tho asya` manma'n || {6}{063}{01}
ara'm me gantaM` hava'naayaa`smai gR^i'Naa`naa yathaa` pibaa'tho` andhaH' |
pari' ha` tyad va`rtir yaa'tho ri`Sho na yat paro` naanta'ras tutu`ryaat || {6}{063}{02}
akaa'ri vaa`m andha'so` varii'ma`nn astaa'ri ba`rhiH su'praaya`Nata'mam |
u`ttaa`naha'sto yuva`yur va'va`ndaa vaaM` nakSha'nto` adra'ya aa~njan || {6}{063}{03}
uu`rdhvo vaa'm a`gnir a'dhva`reShv a'sthaa`t pra raa`tir e'ti juu`rNinii' ghR^i`taacii' |
pra hotaa' guu`rtama'naa uraa`No .a'yukta` yo naasa'tyaa` havii'man || {6}{063}{04}
adhi' shri`ye du'hi`taa suurya'sya` rathaM' tasthau purubhujaa sha`toti'm |
pra maa`yaabhi'r maayinaa bhuuta`m atra` naraa' nR^ituu` jani'man ya`j~niyaa'naam || {6}{063}{05}
yu`vaM shrii`bhir da'rsha`taabhi'r aa`bhiH shu`bhe pu`ShTim uu'hathuH suu`ryaayaaH' |
pra vaaM` vayo` vapu`She .a'nu papta`n nakSha`d vaaNii` suShTu'taa dhiShNyaa vaam || {6}{063}{06}
aa vaaM` vayo .a'shvaaso` vahi'ShThaa a`bhi prayo' naasatyaa vahantu |
pra vaaM` ratho` mano'javaa asarjii`ShaH pR^i`kSha i`Shidho` anu' puu`rviiH || {6}{063}{07}
pu`ru hi vaa'm purubhujaa de`ShNaM dhe`nuM na` iSha'm pinvata`m asa'kraam |
stuta'sh ca vaam maadhvii suShTu`tish ca` rasaa'sh ca` ye vaa`m anu' raa`tim agma'n || {6}{063}{08}
u`ta ma' R^i`jre pura'yasya ra`ghvii su'mii`Lhe sha`tam pe'ru`ke ca' pa`kvaa |
shaa`NDo daa'd dhira`NinaH` smaddi'ShTii`n dasha' va`shaaso' abhi`Shaaca' R^i`Shvaan || {6}{063}{09}
saM vaaM' sha`taa naa'satyaa sa`hasraashvaa'naam puru`panthaa' gi`re daa't |
bha`radvaa'jaaya viira` nuu gi`re daa'd dha`taa rakShaaM'si purudaMsasaa syuH || {6}{063}{10}
aa vaaM' su`mne vari'man suu`ribhiH' Shyaam || {6}{063}{11}


(505)
ud u' shri`ya u`Shaso` roca'maanaa` asthu'r a`paaM normayo` rusha'ntaH |
kR^i`Noti` vishvaa' su`pathaa' su`gaany abhuu'd u` vasvii` dakShi'Naa ma`ghonii' || {6}{064}{01}
bha`draa da'dR^ikSha urvi`yaa vi bhaa`sy ut te' sho`cir bhaa`navo` dyaam a'paptan |
aa`vir vakShaH' kR^iNuShe shu`mbhamaa`noSho' devi` roca'maanaa` maho'bhiH || {6}{064}{02}
vaha'nti siim aru`Naaso` rusha'nto` gaavaH' su`bhagaa'm urvi`yaa pra'thaa`naam |
ape'jate` shuuro` aste'va` shatruu`n baadha'te` tamo' aji`ro na voLhaa' || {6}{064}{03}
su`gota te' su`pathaa` parva'teShv avaa`te a`pas ta'rasi svabhaano |
saa na` aa va'ha pR^ithuyaamann R^iShve ra`yiM di'vo duhitar iSha`yadhyai' || {6}{064}{04}
saa va'ha` yokShabhi`r avaa`toSho` varaM` vaha'si` joSha`m anu' |
tvaM di'vo duhita`r yaa ha' de`vii puu`rvahuu'tau maM`hanaa' darsha`taa bhuuH' || {6}{064}{05}
ut te` vaya'sh cid vasa`ter a'papta`n nara'sh ca` ye pi'tu`bhaajo` vyuShTau |
a`maa sa`te va'hasi` bhuuri' vaa`mam uSho' devi daa`shuShe` martyaa'ya || {6}{064}{06}


(506)
e`Shaa syaa no' duhi`taa di'vo`jaaH kShi`tiir u`cChantii` maanu'Shiir ajiigaH |
yaa bhaa`nunaa` rusha'taa raa`myaasv aj~naa'yi ti`ras tama'sash cid a`ktuun || {6}{065}{01}
vi tad ya'yur aruNa`yugbhi`r ashvai'sh ci`tram bhaa'nty u`Shasa'sh ca`ndrara'thaaH |
agraM' ya`j~nasya' bR^iha`to naya'ntii`r vi taa baa'dhante` tama` uurmyaa'yaaH || {6}{065}{02}
shravo` vaaja`m iSha`m uurjaM` vaha'ntii`r ni daa`shuSha' uShaso` martyaa'ya |
ma`ghonii'r vii`rava`t patya'maanaa` avo' dhaata vidha`te ratna'm a`dya || {6}{065}{03}
i`daa hi vo' vidha`te ratna`m astii`daa vii`raaya' daa`shuSha' uShaasaH |
i`daa vipraa'ya` jara'te` yad u`kthaa ni Shma` maava'te vahathaa pu`raa ci't || {6}{065}{04}
i`daa hi ta' uSho adrisaano go`traa gavaa`m a~Ngi'raso gR^i`Nanti' |
vy akp rka' bibhidu`r brahma'Naa ca sa`tyaa nR^i`Naam a'bhavad de`vahuu'tiH || {6}{065}{05}
u`cChaa di'vo duhitaH pratna`van no' bharadvaaja`vad vi'dha`te ma'ghoni |
su`viiraM' ra`yiM gR^i'Na`te ri'riihy urugaa`yam adhi' dhehi` shravo' naH || {6}{065}{06}


(507)
vapu`r nu tac ci'ki`tuShe' cid astu samaa`naM naama' dhe`nu patya'maanam |
marte'Shv a`nyad do`hase' pii`paaya' sa`kR^ic Chu`kraM du'duhe` pR^ishni`r uudhaH' || {6}{066}{01}
ye a`gnayo` na shoshu'cann idhaa`naa dvir yat trir ma`ruto' vaavR^i`dhanta' |
a`re`Navo' hira`Nyayaa'sa eShaaM saa`kaM nR^i`mNaiH pauMsye'bhish ca bhuuvan || {6}{066}{02}
ru`drasya` ye mii`LhuShaH` santi' pu`traa yaaMsh co` nu daadhR^i'vi`r bhara'dhyai |
vi`de hi maa`taa ma`ho ma`hii Shaa set pR^ishniH' su`bhveKp garbha`m aadhaa't || {6}{066}{03}
na ya iiSha'nte ja`nuSho .a'yaa` nv akp ntaH santo' .ava`dyaani' punaa`naaH |
nir yad du`hre shuca`yo .a'nu` joSha`m anu' shri`yaa ta`nvam u`kShamaa'NaaH || {6}{066}{04}
ma`kShuu na yeShu' do`hase' cid a`yaa aa naama' dhR^i`ShNu maaru'taM` dadhaa'naaH |
na ye stau`naa a`yaaso' ma`hnaa nuu ci't su`daanu`r ava' yaasad u`graan || {6}{066}{05}
ta id u`graaH shava'saa dhR^i`ShNuShe'Naa u`bhe yu'janta` roda'sii su`meke' |
adha' smaiShu roda`sii svasho'ci`r aama'vatsu tasthau` na rokaH' || {6}{066}{06}
a`ne`no vo' maruto` yaamo' astv ana`shvash ci`d yam aja`ty ara'thiiH |
a`na`va`so a'nabhii`shuu ra'ja`stuur vi roda'sii pa`thyaa yaati` saadha'n || {6}{066}{07}
naasya' va`rtaa na ta'ru`taa nv asti` maru'to` yam ava'tha` vaaja'saatau |
to`ke vaa` goShu` tana'ye` yam a`psu sa vra`jaM dartaa` paarye` adha` dyoH || {6}{066}{08}
pra ci`tram a`rkaM gR^i'Na`te tu`raaya` maaru'taaya` svata'vase bharadhvam |
ye sahaaM'si` saha'saa` saha'nte` reja'te agne pR^ithi`vii ma`khebhyaH' || {6}{066}{09}
tviShii'manto adhva`rasye'va di`dyut tR^i'Shu`cyava'so ju`hvoKp naagneH |
a`rcatra'yo` dhuna'yo` na vii`raa bhraaja'jjanmaano ma`ruto` adhR^i'ShTaaH || {6}{066}{10}
taM vR^i`dhanta`m maaru'ta`m bhraaja'dR^iShTiM ru`drasya' suu`nuM ha`vasaa vi'vaase |
di`vaH shardhaa'ya` shuca'yo manii`Shaa gi`rayo` naapa' u`graa a'spR^idhran || {6}{066}{11}


(508)
vishve'ShaaM vaH sa`taaM jyeShTha'tamaa gii`rbhir mi`traavaru'Naa vaavR^i`dhadhyai' |
saM yaa ra`shmeva' ya`matu`r yami'ShThaa` dvaa janaa`m+ asa'maa baa`hubhiH` svaiH || {6}{067}{01}
i`yam mad vaa`m pra stR^i'Niite manii`Shopa' pri`yaa nama'saa ba`rhir acCha' |
ya`ntaM no' mitraavaruNaa`v adhR^i'ShTaM Cha`rdir yad vaaM' varuu`thyaM sudaanuu || {6}{067}{02}
aa yaa'tam mitraavaruNaa susha`sty upa' pri`yaa nama'saa huu`yamaa'naa |
saM yaav a'pna` stho a`pase'va` janaa'~n Chrudhiiya`tash ci'd yatatho mahi`tvaa || {6}{067}{03}
ashvaa` na yaa vaa`jinaa' puu`taba'ndhuu R^i`taa yad garbha`m adi'ti`r bhara'dhyai |
pra yaa mahi' ma`haantaa` jaaya'maanaa gho`raa martaa'ya ri`pave` ni dii'dhaH || {6}{067}{04}
vishve` yad vaa'm maM`hanaa` manda'maanaaH kSha`traM de`vaaso` ada'dhuH sa`joShaaH' |
pari` yad bhuu`tho roda'sii cid u`rvii santi` spasho` ada'bdhaaso` amuu'raaH || {6}{067}{05}
taa hi kSha`traM dhaa`raye'the` anu` dyuun dR^i`Mhethe` saanu'm upa`maad i'va` dyoH |
dR^i`Lho nakSha'tra u`ta vi`shvade'vo` bhuumi`m aataa`n dyaaM dhaa`sinaa`yoH || {6}{067}{06}
taa vi`graM dhai'the ja`Thara'm pR^i`Nadhyaa` aa yat sadma` sabhR^i'tayaH pR^i`Nanti' |
na mR^i'Shyante yuva`tayo .a'vaataa` vi yat payo' vishvajinvaa` bhara'nte || {6}{067}{07}
taa ji`hvayaa` sada`m edaM su'me`dhaa aa yad vaaM' sa`tyo a'ra`tir R^i`te bhuut |
tad vaa'm mahi`tvaM ghR^i'taannaav astu yu`vaM daa`shuShe` vi ca'yiShTa`m aMhaH' || {6}{067}{08}
pra yad vaa'm mitraavaruNaa spuu`rdhan pri`yaa dhaama' yu`vadhi'taa mi`nanti' |
na ye de`vaasa` oha'saa` na martaa` aya'j~nasaaco` apyo` na pu`traaH || {6}{067}{09}
vi yad vaacaM' kii`staaso` bhara'nte` shaMsa'nti` ke ci'n ni`vido' manaa`naaH |
aad vaa'm bravaama sa`tyaany u`kthaa naki'r de`vebhi'r yatatho mahi`tvaa || {6}{067}{10}
a`vor i`tthaa vaaM' Cha`rdiSho' a`bhiShTau' yu`vor mi'traavaruNaa`v askR^i'dhoyu |
anu` yad gaava' sphu`raan R^i'ji`pyaM dhR^i`ShNuM yad raNe` vR^iSha'NaM yu`naja'n || {6}{067}{11}


(509)
shru`ShTii vaaM' ya`j~na udya'taH sa`joShaa' manu`Shvad vR^i`ktaba'rhiSho` yaja'dhyai |
aa ya indraa`varu'Naav i`She a`dya ma`he su`mnaaya' ma`ha aa'va`varta't || {6}{068}{01}
taa hi shreShThaa' de`vataa'taa tu`jaa shuuraa'NaaM` shavi'ShThaa` taa hi bhuu`tam |
ma`ghonaa`m maMhi'ShThaa tuvi`shuShma' R^i`ta' vR^itra`turaa` sarva'saa || {6}{068}{02}
taa gR^i'Niihi nama`syebhiH shuu`ShaiH su`mnebhi`r indraa`varu'Naa cakaa`naa |
vajre'Naa`nyaH shava'saa` hanti' vR^i`traM siSha'kty a`nyo vR^i`jane'Shu` vipraH' || {6}{068}{03}
gnaash ca` yan nara'sh ca vaavR^i`dhanta` vishve' de`vaaso' na`raaM svaguu'rtaaH |
praibhya' indraavaruNaa mahi`tvaa dyaush ca' pR^ithivi bhuutam u`rvii || {6}{068}{04}
sa it su`daanuH` svavaa'm+ R^i`taavdraa` yo vaaM' varuNa` daasha'ti` tman |
i`Shaa sa dvi`Shas ta're`d daasvaa`n vaMsa'd ra`yiM ra'yi`vata'sh ca` janaa'n || {6}{068}{05}
yaM yu`vaM daa`shvadhvaraaya devaa ra`yiM dha`ttho vasu'mantam puru`kShum |
a`sme sa i'ndraavaruNaa`v api' Shyaa`t pra yo bha`nakti' va`nuShaa`m asha'stiiH || {6}{068}{06}
u`ta naH' sutraa`tro de`vago'paaH suu`ribhya' indraavaruNaa ra`yiH Shyaa't |
yeShaaM` shuShmaH` pR^ita'naasu saa`hvaan pra sa`dyo dyu`mnaa ti`rate` tatu'riH || {6}{068}{07}
nuu na' indraavaruNaa gR^iNaa`naa pR^i`~NktaM ra`yiM sau'shrava`saaya' devaa |
i`tthaa gR^i`Nanto' ma`hina'sya` shardho' .a`po na naa`vaa du'ri`taa ta'rema || {6}{068}{08}
pra sa`mraaje' bR^iha`te manma` nu pri`yam arca' de`vaaya` varu'Naaya sa`prathaH' |
a`yaM ya u`rvii ma'hi`naa mahi'vrataH` kratvaa' vi`bhaaty a`jaro` na sho`ciShaa' || {6}{068}{09}
indraa'varuNaa sutapaav i`maM su`taM soma'm pibata`m madyaM' dhR^itavrataa |
yu`vo ratho' adhva`raM de`vavii'taye` prati` svasa'ra`m upa' yaati pii`taye' || {6}{068}{10}
indraa'varuNaa` madhu'mattamasya` vR^iShNaH` soma'sya vR^iSha`Naa vR^i'Shethaam |
i`daM vaa`m andhaH` pari'Shiktam a`sme aa`sadyaa`smin ba`rhiShi' maadayethaam || {6}{068}{11}


(570)
saM vaaM` karma'Naa` sam i`Shaa hi'no`miindraa'viShNuu` apa'sas paa`re a`sya |
ju`ShethaaM' ya`j~naM dravi'NaM ca dhatta`m ari'ShTair naH pa`thibhiH' paa`raya'ntaa || {6}{069}{01}
yaa vishvaa'saaM jani`taaraa' matii`naam indraa`viShNuu' ka`lashaa' soma`dhaanaa' |
pra vaaM` giraH' sha`syamaa'naa avantu` pra stomaa'so gii`yamaa'naaso a`rkaiH || {6}{069}{02}
indraa'viShNuu madapatii madaanaa`m aa somaM' yaataM` dravi'No` dadhaa'naa |
saM vaa'm a~njantv a`ktubhi'r matii`naaM saM stomaa'saH sha`syamaa'naasa u`kthaiH || {6}{069}{03}
aa vaa`m ashvaa'so abhimaati`Shaaha` indraa'viShNuu sadha`maado' vahantu |
ju`ShethaaM` vishvaa` hava'naa matii`naam upa` brahmaa'Ni shR^iNutaM` giro' me || {6}{069}{04}
indraa'viShNuu` tat pa'na`yaayyaM' vaaM` soma'sya` mada' u`ru ca'kramaathe |
akR^i'Nutam a`ntari'kShaM` varii`yo .a'prathataM jii`vase' no` rajaaM'si || {6}{069}{05}
indraa'viShNuu ha`viShaa' vaavR^idhaa`naagraa'dvaanaa` nama'saa raatahavyaa |
ghR^itaa'sutii` dravi'NaM dhattam a`sme sa'mu`dra sthaH' ka`lashaH' soma`dhaanaH' || {6}{069}{06}
indraa'viShNuu` piba'ta`m madhvo' a`sya soma'sya dasraa ja`Thara'm pR^iNethaam |
aa vaa`m andhaaM'si madi`raaNy a'gma`nn upa` brahmaa'Ni shR^iNutaM` hava'm me || {6}{069}{07}
u`bhaa ji'gyathu`r na paraa' jayethe` na paraa' jigye kata`rash ca`nainoH' |
indra'sh ca viShNo` yad apa'spR^idhethaaM tre`dhaa sa`hasraM` vi t || {6}{069}{08}